Ən güclü sənaye superkompüteri tikiləcək

Ən güclü sənaye superkompüteri tikiləcək
05 Noy 2019 14:28

İtaliyanın “Eni” neft-qaz şirkəti “HPC5” adlı yeni superkompüter tikmək niyyətindədir.


“ICTnews” Elektron Xəbər Xidməti “Servernews” resursuna istinadən yazır ki, mövcud “HPC4” superkompüteri ilə müqayisədə yeni qurğunun ən yüksək məhsuldarlığı üç dəfə – 18 petaflopsdan 52 petaflopsadək artacaq. Bundan başqa, köhnə qurğunun fəaliyyətini davam etdirməsinə görə ümumi güc 70 petaflops təşkil edəcək ki, bu da “Eni” superkompüterini sənaye səviyyəli ən güclü “HPC” sisteminə malik qurğu edəcək.


Məlumata görə, sistemin tərkibinə hər birində iki 24 nüvəli “Intel Xeon Gold 6252” prosessorunun və dörd “NVIDIA V100” sürətləndiricisinin quraşdırıldığı 1820 ədəd “Dell EMC PowerEdge C4140” qovşağı daxildir. Şəbəkə qismində “InfiniBand HDR” sistemindən istifadə planlaşdırılır. Bloklanmayan topologiyaya malik şəbəkə 20 Qbit/saniyə sürətlə işləyən “Mellanox” həlləri üzərində qurulacaq. Məlumat saxlama altsisteminin həcmi ümumi məhsuldarlıq 200 giqabayt/saniyə olmaqla 15 petabayta çatacaq.


“HPC5” sistemi “Eni” şirkətinə məxsus və 2013-cü ildə istifadəyə verilən “Green Data Center” məlumat emalı mərkəzində quraşdırılacaq. Yeni superkompüterin əsas işi mineral olmayan enerji mənbələri sahəsində tədqiqatların aparılması olacaq. Həmçinin “HPC5” şirkətə geoloji kəşfiyyat, yeni neft yataqlarının işlənməsi və monitorinqi sahəsində kömək edəcək.


“HPC5” qurğusunun sahə üzrə hazırkı lider – “Total” şirkətinin 31,7 petaflops məhsuldarlığa malik “Pangea III” superkompüterini geridə qoyacağı gözlənilir.

Realpress.az

18 Noy 2019
İT

Bir neçə dəqiqə ərzində “3D” xəritə hazırlayan yeni qurğu təqdim edilib

Xüsusi avadanlıq olmadan qısa müddətdə “3D” xəritə hazırlamaq çətindir. ABŞ-ın Ordu Mühəndislər Korpusu tərəfindən hazırlanmış yeni fotoqrammetriya texnologiyası bir neçə dəqiqə ərzində adi aerofotoşəkillər əsasında dəqiq xəritələr hazırlamağa imkan verir.

18 Noy 2019
İT

Milyonlarla “Android” smartfonunun sahibi təhlükə qarşısındadır

“Android” sisteminin idarəetməsi altında işləyən qurğularda istifadə olunan “Qualcomm” prosessorlarında istifadəçilərin məlumatını oğurlamağa imkan verən boşluq aşkar edilib. Bu haqda “CheckPoint” şirkətinin mütəxəssisləri məlumat veriblər.

18 Noy 2019
İT

“Air Race E” şirkəti dünyada ilk elektrik yarış təyyarəsini nümayiş etdirib

Dubayda “Dubai Air Show” aviasalonu çərçivəsində “Airbus” şirkətinin dəstəyi ilə keçirilən təyyarə yarışlarında “White Lightning” adlı dünyanın ilk elektrik yarış təyyarəsi təqdim olunub.

18 Noy 2019
İT

“Android” istifadəçilərinə simsiz qulaqlıqların təhlükəsi haqqında xəbərdarlıq edilib

ABŞ-ın Ayova və Perdyu universitetlərinin kibertəhlükəsizlik sahəsi üzrə mütəxəssisləri bildiriblər ki, hakerlər simsiz aksesuarlar vasitəsilə bəzi "Android" smartfonlarına müdaxilə etməyə müvəffəq olublar.

18 Noy 2019
İT

Elektrik enerjisi əvəzinə, işıqdan istifadə edən "gələcəyin tranzistorları" təqdim edilib

Müasir tranzistorlar məlumat mübadiləsini elektrik cərəyanının köməyi ilə həyata keçirirlər və bu proses işıq dalğalarının sürəti ilə müqayisədə çox sürətli deyil. Tədqiqatçılar qrupu tərəfindən hazırlanmış yeni optomexanik mikrosxem tipi siqnalı saniyənin milyondan bir hissəsindən az müddətdə göndərə bilir.