Güləşçilərimiz U-23 dünya çempionatının finalına yüksəlib

Güləşçilərimiz U-23 dünya çempionatının finalına yüksəlib
29 Okt 2019 09:05

Macarıstanın paytaxtı Budapeştdə 23 yaşadək güləşçilər arasında dünya çempionatı başlayıb.

Realpress.az Trend-ə istinadən bildirir ki, ilk yarış günündə 57, 65, 70, 79 və 97 kq-da çıxış edən sərbəst güləşçilər mübarizəyə start verib.

Əfqan Xaşalov son saniyələrdə üstünlüyü əldən verərək kubalı rəqibinə uduzub. Ancaq rəqibin finala yüksəlməsi həmyerlimizə təsəlliverici görüşə çıxmaq imkanı verib.

Mübarizəyə 1/8 finaldan qoşulan Turan Bayramov kanadalı həmkarını məğlub edib. Həmyerlimiz moldovalı rəqibinə də gücünü göstərərək yarımfinala yüksəlib. Fransa təmsilçisiylə qarşılaşma gərgin mübarizə şəraitində keçib. Turan ilk hissəni 0:1 geridə başa vursa da, ikinci yarıda rəqibi əks-fəndə salaraq qələbə qazanıb və debüt etdiyi U-23 dünya çempionatının finalına vəsiqə qazanıb.

Davud İbrahimov debütdə çətinliklə də olsa, İsveçrə təmsilçisini üstələyib. ABŞ güləşçisiylə görüş də gərgin mübarizə şəraitində keçib. Yekunda İbrahimov minimalhesablı qələbəyə sevinib. Ancaq Davud 1/4 finalda Rusiyada təmsilçisiylə bacarmayıb. Rəqib finala yüksəldiyi üçün Davud təsəlliverici görüşə çıxacaq.

Abubakr Abakarov mundiala inamlı start verib. Titullu güləşçimiz ilk mərhələdə qırğız rəqibinə vaxtından əvvəl qalib gəlib. Təmsilçimiz daha sonra Rusiya güləşçisini tam üstünlüklə yenib. Yarımfinalda Moldova idmançısını çətinlik çəkmədən ilk hissədə məyus edən Abakarov adını yarımfinala yazdırıb. Hindistan güləşçisinə də aman verməyən Abubakr finalda güləşmək hüququ qazanıb.

Qeyd edək ki, bu çəkilərdə təsəlliverici və medal görüşləri oktyabrın 29-da keçiriləcək.


30 İyul 2021
İdman

“Qarabağ” səfər qələbəsini İsraildəki soydaşlarımızla qeyd etdi - VİDEO

Avropa Konfrans Liqasının II təsnifat mərhələsinin cavab oyununda səfərdə İsrail təmsilçisi “Aşdod”la qarşılaşan “Qarabağ” minimalhesablı qələbəyə sevinib.

27 İyul 2021
İdman

Sabah Olimpiadada iki idmançımız mübarizəyə qoşulacaq - ADLAR

Tokio Yay Olimpiya Oyunlarında sabah daha iki idmançımız mübarizəyə qoşulacaq.

26 İyul 2021
İdman

Daha bir cüdoçumuzun Olimpiadada debütü uğursuz olub

Azərbaycan cüdoçusu Orxan Səfərovun “Tokio-2020” Yay Olimpiya Oyunlarında debütü uğursuz olub.

26 İyul 2021
İdman

Azərbaycanın səkkiz idmançısı Olimpiadanın ilk günündə yarışla vidalaşdı

Tokio-2020 Yay Olimpiya Oyunlarında səkkizinci idmançımız turnirlə erkən vidalaşıb.

17 İyul 2021
İdman

Gimnastlarımız Qran-pridə medal qazandı

Azərbaycanın bədii gimnastika üzrə milli komandası İsrailin paytaxtı Təl-Əvivdə keçirilən Qran-pridə ilk medalını qazanıb.