Kompüter bazarının liderləri öz mövqelərini möhkəmləndiriblər

Kompüter bazarının liderləri öz mövqelərini möhkəmləndiriblər
14 Okt 2019 11:53

“Gartner” analitik şirkəti qlobal fərdi kompüter bazarı ilə bağlı keçirilmiş araşdırmanın nəticələrini təqdim edib. 2019-cu ilin üçüncü rübündə ümumilikdə 68 milyon masaüstü kompüter və noutbuk tədarük edilib ki, bu da 2018-ci ilin müvafiq dövrü ilə müqayisədə 1,1% çoxdur.

 

“ICTnews” Elektron Xəbər Xidməti “dailycomm.ru” saytına istinadən yazır ki, böyük analitik Mikako Kitaqava “Windows 10” sisteminə keçidi bütün regionlarda fərdi kompüterlərə tələbatın artımı üzrə əsas katalizator kimi xarakterizə edib.

 

Qeyd edək ki, “Intel” prosessorlarının defisiti, ABŞ və Çin arasında ticarət müharibəsi üçüncü rübdə fərdi kompüterlərin satışına ciddi təsir göstərməyib.

 

Araşdırmaya görə, aparıcı istehsalçılar komponentlərin (əməli yaddaş və sərtgövdəli daşıyıcılar daxil olmaqla) qiymətini aşağı salmaqla kompüter biznesinin gəlirliliyini yaxşılaşdırıblar. Marjanın artımı “Lenovo”, “HP Inc.” və “Dell” şirkətlərinə öz mövqelərini möhkəmləndirməyə imkan verib.

 

2019-cu ilin iyul-sentyabrında “Lenovo” fərdi kompüter tədarükünü illik hesablama üzrə 5,8% artıraraq 24,7% bazar payı ilə liderliyini qoruyub. 22,4% bazar payına malik “HP Inc.” şirkəti ikinci yeri tutub. “HP” şirkəti iki rüb ardıcıl olaraq kompüter tədarükünü artırır.

 

Qlobal fərdi kompüter tədarükünün 16,6%-i “Dell” şirkətinin payına düşüb. Şirkət fərdi kompüter istehsalını 5,5% artırmağa nail olub.

Realpress.az



18 Mar 2022
İT

Rusiyada vatsap bloklana bilər

Vatsapın rusiyalı istifadəçiləri messencerin iş keyfiyyətindən şikayətlənirlər.

11 Mar 2022
İT

Rusiyada "Instagram" bağlana bilər

Rusiya Baş Prokurorluğu Rabitə, İnformasiya Texnologiyaları və Kütləvi Kommunikasiyalara Nəzarət üzrə Federal Xidmətindən “Instagram”a məhdudiyyət qoyulmasını tələb edib.

2 Mar 2022
İT

Niyə məhz “Apple” brendinin M1 çipi ilə təchiz edilmiş “MacBook Air” notbuku? – FOTO

Notbuk seçərkən çoxsaylı modellər arasında başını itirə bilərsən. Bu halda “Apple” brendi işimizi xeyli asanlaşdırır. Belə ki, bu şirkət kəmiyyətə deyil, keyfiyyətə üstünlük verir, buna görə də onun notbukları lakonikliyi və rahatlığı ilə seçilir. 

5 Fev 2022
İT

Almaniya teleqramı 55 milyon avro cərimələyə bilər

Almaniya hökuməti teleqram messencerini 55 milyon avro cərimələyə bilər.

4 Fev 2022
İT

Milçəkdən ilhamlanan alimlər yeni tip həşərat-robot hazırlayıblar - VİDEO

Bristol Universitetinin mühəndisləri yeni tip qanad çırpan mikrorobotlar hazırlayıblar.