Kişilərin sağlamlığı haqqında heç yerdə oxumadığınız 10 FAKT

Kişilərin sağlamlığı haqqında heç yerdə oxumadığınız 10 FAKT
14 Okt 2019 11:28

Kişi və qadın orqanizmi xeyli fərqlənir və bu tək cinsiyyət sisteminə aid deyil. Adətən insanlar belə hesab edir ki, kişi orqanizmi daha möhkəmdir.

Lakin bu belə deyil. Müşahidələr göstərir ki, eyni xəstəliyə tutulan zaman qadınlar kişilərdən daha tez sağalır və bərpa olunur.

Realpress.az Saglamolun.az-a istinadən sizə kişilərin sağlamlığı ilə bağlı olan bilmədiyiniz 10 faktla tanış edir.

 

1. Əksər ölkələrdə kişilər qadınlarla müqayisədə daha az yaşayır.

2. Kişilərin qanı daha qatıdır və bu səbəbdən onlarda tromblar daha tez-tez əmələ gəlir. Tromblar çox təhlükəlidir. Onlar qan axını ilə daha nazik damara düşə bilir ki, bu da bir çox ağır fəsadlara (infarkt, insult, trombemboliya və s.) səbəb ola bilir.

3. Kişilərdə ürək xəstəlikləri və infarkt daha tez-tez təsadüf edilir. Bunun səbəbi yuxarda qeyd etdiyimiz tromblarla yanaşı pis vərdişlərin (spirtli içkilərin qəbulu, siqaret çəkmək) kişilər arasında daha çox yayılmasıdır. ÜST-nın məlumatlarına görə, dünyada kişilərin 40%-i siqaret çəkir, qadınlarda bu rəqəm 9% təşkil edir.

4. Xroniki qastrit və xora xəstəliyi kiişilərdə qadınlarla müqayisədə 2 dəfə daha çox yayılıb. Nəzərə almaq lazımdır ki, xoranın uzun müddət ərzində mövcud olması xərçəngin riskini xeyli artırır.

5. Kişilər arasında intihar hallarına daha çox təsadüf edilir.

6. Ereksiya pozulmalarının 90%-ni uğurla müalicə etmək mümkündür. Həm də istənilən yaşda.

7. Qoz, lobya və qulançar potensiyanı (kişi gücü) artırır. Ətin çoxlu miqdarda istehlakı isə əksinə azaldır.

8. Kişilər arasında dağılmış skleroz kimi ağır və müalicəsi olmayan xəstəlik 3 dəfə daha çox yayılıb.

9. Kişilər arasında qadınlarla müqayisədə solaxaylar 2 dəfə daha çoxdur.

10. Kişilərin də süd vəziləri süd ifraz edə bilir. Lakin bu ciddi patologiyadır və bu simptomla qarşılaşanda kişi dərhal həkimə müraciət etməlidir.


13 Noy 2019
Səhiyyə - Sağlamlıq

Sidikçıxarıcı yolların infeksiyalarında bitki preparatlarının rolu

Sidikçıxarıcı yolların infeksiyası (SYİ) sidik sisteminin hər bir üzvində - böyrək, sidik axarı kanalı, sidik kisəsi və sidik kanalında olan infeksiyadır. SYİ infeksion xəstələnmə strukturunda respirator infeksiyalardan sonra ikinci yeri tutur. İnfeksiyaların əksəriyyəti aşağı sidik yollarını - sidik kisəsi və sidik kanalını əhatə edir. SYİ milyonlarla insanın sağlamlığı üçün ciddi problem təşkil edir. Hər il Qərbi Avropada 10 milyondan artıq SYİ halı qeydə alınır. SYİ zamanı infeksiya residivlərinin yüksək səviyyəsi qeydə alınır ki, bu da tez-tez kəskinləşmələrlə xroniki xarakter alır.

13 Noy 2019
Səhiyyə - Sağlamlıq

Diabet, piylənmə, ruhi xəstəliklərinin qeyri-adi DƏRMANSIZ müalicəsi

İncəsənətin sağlamlığa müsbət təsiri haqqında genişmiqyaslı yeni tədqiqatı BMT-də sözün həqiqi mənasında “inqilabi araşdırma” adlandırıblar.

11 Noy 2019
Səhiyyə - Sağlamlıq

Beynin qan dövranını yaxşılaşdırmaq üçün 4 ÜSUL

Əgər bir gün bir anda beyinə kifayət qədər qan getməzsə nə olacağını bilirsinizmi?

9 Noy 2019
Səhiyyə - Sağlamlıq

Bu müayinə ilə xərçəngin qarşısını vaxtında almaq olar - Onkoloq danışır

Bəzi xəstəliklərin müalicəsi olduqca çətindir, məsələn, onkoloji xəstəliklər kimi. Bu xəstəliyin adı belə insanları qorxuya salır. Xərçəng çox zaman insanın ölümünə də səbəb olur. Onkoloji xəstəliklərin erkən mərhələdə aşkar edilməsi, müalicənin uğurlu olması baxımından da əhəmiyyətlidir. Hazırda xərçəngə qarşı önləyici tədbir kimi skrinninq proqramlar hazırlanıb.