“GSMA”: “Keçmiş SSRİ ölkələrində “5G” şəbəkəsinə investisiyalar 28 milyard dollara çatacaq”

“GSMA”: “Keçmiş SSRİ ölkələrində “5G” şəbəkəsinə investisiyalar 28 milyard dollara çatacaq”
10 Okt 2019 11:25

“GSMA” Assosiasiyası tədqiqat apararaq 2019 – 2025-ci illərdə Rusiya və Ukrayna, o cümlədən digər MDB ölkələri və Gürcüstan ərazisində rabitə operatorları tərəfindən beşinci nəsil mobil rabitə şəbəkəsinə (5G) investisiyaların 28 milyard dollar təşkil edəcəyini açıqlayıb. Xərclərin əsas hissəsi Rusiyanın payına düşəcək.

 

“ICTnews” Elektron Xəbər Xidməti “Computerworld” resursuna istinadən yazır ki, “5G” şəbəkəsinin ilkin olaraq 2020-ci ildə artıq test zonalarının yaradıldığı Rusiya və Belarusda, 2021-ci ildə Qazaxıstanda, 2022-ci ildə Azərbaycanda, 2023-cü ildə Ermənistan, Gürcüstan və Moldovada, 2024-cü ildə Qırğızıstan, Tacikistan, Türkmənistan və Özbəkistanda, 2025-ci ildə isə Ukraynada istifadəyə veriləcəyi gözlənilir.

 

Tədqiqata görə, operatorlar tərəfindən vəsaitlər əsasən məlumat saxlama sistemlərinin yaradılmasına və rabitə kanallarının inkişafına sərf ediləcək. Bu investisiyalar, həmçinin mövcud “4G” və “3G” infrastrukturunun əvəzlənməsi və dəstəklənməsi üçün istifadə ediləcək.

 

Qeyd edək ki, “5G” mövcud “4G” şəbəkəsini əvəz edəcək yeni nəsil rabitə şəbəkəsidir. Proqnozlara görə, şəbəkədən 2020-ci ildən etibarən bütün dünyada istifadə mümkün olacaq. Bundan sonra yalnız smartfonlar üçün optimallaşdırılan “4G” şəbəkəsindən fərqli olaraq milyardlarla qurğunun qoşulacağı “5G” şəbəkəsi məlumatların yüksək sürətlə ötürülməsini, zəif yubanma dərəcəsini, eləcə də enerjidən az istifadəni təmin edəcək.

Realpress.az


29 Mar 2020
Cəmiyyət

PPX-nin onlayn çatdırılma xidməti göstərən maşınları saxlaması ilə RƏSMİ AÇIQLAMA

PPX-nin onlayn çatdırılma xidməti göstərən maşınları saxlaması ilə RƏSMİ AÇIQLAMA

29 Mar 2020
Cəmiyyət

BŞBPİ rəsmisi sürücülərə müraciət etdi

“Biz tövsiyə edirik ki, vətəndaşlar vacib işləri olmadıqca şəxsi avtomobilləri ilə çox hərəkət etməsinlər. Koronavirusla mübarizənin yollarından biri də evdə qalmaq, özünün və başqalarının həyatını təhlükəyə atmamaqdır".

29 Mar 2020
Cəmiyyət

Birinci siniflərə elektron qeydiyyat prosesində alternativ qeydiyyat mərkəzlərinin iş prinsipi dəyişdirilib

Bakı şəhəri üzrə ümumi təhsil müəssisələrinin I siniflərinə elektron qeydiyyat prosesində valideynlərə kömək məqsədilə fəaliyyət göstərən Alternativ qeydiyyat mərkəzlərinin işi tibbi-profilaktik vəziyyət nəzərə alınaraq, asağıdakı qaydada davam edəcək:

29 Mar 2020
Cəmiyyət

Sabaha olan hava proqnozu açıqlandı

Ölkə ərazisində sabah gözlənilən hava proqnozu açıqlanıb.

29 Mar 2020
Cəmiyyət

“Azəriqaz”dan evdən çıxması yasaqlanan şəxslərlə bağlı AÇIQLAMA

“Azəriqaz” İstehsalat Birliyi hökumət tərəfindən koronavirus (COVID-19) infeksiyasının ölkə ərazisində yarada biləcəyi təhlükənin qarşısının alınması məqsədilə atılan addımlara dəstək olaraq sosial aksiyaya başlayıb.