Türkiyə ordusu əmr gözləyir - Hədəflər müəyyənləşib

Türkiyə ordusu əmr gözləyir - Hədəflər müəyyənləşib
09 Okt 2019 11:45

Türkiyə ordusu Suriya ilə sərhəd bölgəsində, Fərat çayının şərqində təhlükəsiz koridor formalaşdırmaq məqsədilə “Sülh çeşməsi” adı verilən əməliyyata hazırdır.

Realpress.az İHA-ya istinadən xəbər verir ki, əməliyyata başlamaq üçün əmr gözləyən Türkiyə ordusunun vuracağı hədəflər də artıq məlumdur.
Terrorçulara məxsus sığınacaq, tunellər, koordinatlar aparılan kəşfiyyat araşdırmaları ilə müəyyənləşdirilib.

Daha öncə Suriya ərazisində “Fərat qalxanı” və “Zeytun budağı” əməliyyatları həyata keçirən Türkiyə əsgərlərinin bölgəni çox yaxşı tanıdığı və bu səbəbdən əməliyyatın uğurlu olacağına inanılır.

Xatırladaq ki, Türkiyə 2012-ci ildən etibarən Suriya ilə sərhəddə təhlükəsiz zonası yaratmaq istəsə də, geridə qalan 9 ildə buna nail ola bilməyib. Uzun danışıqlardan sonra ötən həftə Donald Tramp ABŞ əsgərlərini nəzarət məntəqələrindən geri çəkməyə razılıq verib. Bundan sonra Türkiyə ordusu sərhədi keçərək əməliyyata hazırlaşmağa başlayıb.

Türkiyə Cerablus-İraq sərhədi arasındakı sərhəd xəttində 35-40 kilometr dərinlikdə “təhlükəsizlik zolağı” yaratmaq niyyətindədir. Burada 1 milyon qaçqının yerləşdirilməsi üçün 10 qəsəbə və 5 min kəndin salınması nəzərdə tutulub. Bu qəsəbələrin hər birində 30 min, kəndlərin hər birində isə 5 min nəfər yerləşdiriləcək. Layihənin ümumi dəyəri isə 26 milyard dollardır.


15 Okt 2019
Dünya

Ərəblər Putini belə qarşıladılar - VİDEO

Birləşmiş Ərəb Əmirliklərində (BƏƏ) Rusiya prezidenti Vladimir Putinin kortejini müşayiət edən "Mercedes" markalı avtomobillərin üzərində "DPS" ("Dorojno-patrulnaya slujba") "YPX" yazısı olub. 

15 Okt 2019
Dünya

ABŞ Türkiyədəki bazasından 50 nüvə silahını çıxarmaq istəyir

ABŞ Türkiyədəki bazasından 50 nüvə silahını çıxarmaq istəyir

15 Okt 2019
Dünya

Tramp Suriyaya görə Ərdoğana zəng etdi

ABŞ Prezidenti Donald Trampla türkiyəli həmkarı Rəcəb Tayyib Ərdoğan arasında növbəti telefon danışığı olub.