"Positive Technologies" şirkəti "TA505" kibercinayətkar qruplaşmasının fəaliyyətini təhlil edib.
"ICTnews" Elektron Xəbər Xidməti "Servernews" resursuna istinadən yazır ki, məlumata görə, bir neçə ildir fəaliyyət göstərən dünyanın ən təhlükəli qruplaşmasının aktivliyi Şimali Amerikadan tutmuş, Orta Asiyaya qədər bütün dünyada qeydə alınıb. Hücumlar əsasən maliyyə xarakteri daşıyır.
Bildirilir ki, bank, enerji sənayesi, səhiyyə, telekommunikasiya və s. sahələrdə fəaliyyət göstərən şirkət və təşkilatlar kiberqruplaşmanın qurbanı olur. Bundan başqa, dövlət sektoruna qarşı hücumlar həyata keçirilir.
Son altı ay ərzində "TA505" kiberqruplaşması aktivliyini kəskin gücləndirərək 26 şirkətə hücum edib. Bundan əlavə, hakerlər resursları genişləndirərək öz iştiraklarını gizlətmək üçün daha mürəkkəb texnikalardan istifadəyə başlayıblar.
Qurban şirkətlərin şəbəkələrinə daxil olmaq üçün qrup fişinq məktublarından istifadə edir. Hər yeni hücum dalğasında cinayətkarlar alətlərə keyfiyyət baxımından düzəlişlər edirlər.
Analizdən məlum olub ki, "TA505" kibercinayətkar qruplaşması Rusiya bazarına hücum edən "Buhtrap" qrupu ilə birgə eyni şəbəkə infrastrukturundan istifadə edir.
"Positive Technologies" ekspertləri tərəfindən "TA505" qruplaşmasının zərərli aktivliyi ümumilikdə 64 ölkədə aşkarlanıb.
Realpress.az
"Canalys" tədqiqat şirkətinin analitikləri yaxın illərdə "ağıllı" qurğuların tədarük həcminin yüksək artımını proqnozlaşdırırlar. Mütəxəssislər "ağıllı" qurğular kateqoriyasına smartfon, masaüstü fərdi kompüter, noutbuk, planşet, daşınan qurğular, "ağıllı" kolonka və qulaqlıqları aid edirlər.
“Xiaomi” şirkəti “Youpin” kraudfandinq platformasında çoxsaylı cihazların sahibləri üçün nəzərdə tutulmuş “C-bit” universal enerji doldurma blokunu təqdim edib. Yenilik eyni anda 5-dək qurğunu sürətli şəkildə enerji ilə doldurmağa imkan verir.
Böyük Britaniyanın Lankaster Universitetinin tədqiqatçıları tərəfindən hazırlanmış yeni yaddaş tipi həm əməli yaddaş qurğusu, həm də məlumatların saxlanılması kimi işləyə bilər. "UltraRAM" adlı perspektiv texnologiya müasir kompüter, smartfon və başqa hesablama texnikalarının iş prinsipini tamamilə dəyişdirmək imkanına malikdir.
Daha çox “JDI” kimi tanınan “Japan Display Inc.” şirkəti dünyada yüksək dəqiqliklə və sürətlə barmaq izlərini oxuyan, vena damarlarının şəklini skan edən, hətta arteriyaların daxilindəki nəbz dalğalarını ölçən ən nazik datçik təqdim edib. İstehsalçı bu texnoloji hazırlamanın yeni nəsil olduqca təhlükəsiz qurğuların yaradılmasına kömək edəcəyinə əminliyini ifadə edib.
