“Google Maps” xidmətindən adsız istifadə etmək mümkün olacaq

“Google Maps” xidmətindən adsız istifadə etmək mümkün olacaq
07 Okt 2019 08:55

"Google" şirkəti öz müştərilərinə "Google Maps" onlayn-xəritə xidmətindən adsız istifadə üçün imkan yaradacaq. Bu məlumatı şirkətin mətbuat xidməti yayıb.

Məlumatda qeyd olunub ki, "Google Maps" onlayn-xəritə xidmətindən istifadə zamanı "adsız" rejiminə keçməklə sizin bu mobil əlavədə hərəkətiniz şəxsi hesabınızda qeyd olunmayacaq. Korporasiya bildirib ki, Android əməliyyat sistemində işləyən mobil cihazların istifadəçiləri artıq bu ay yeni sistemdən istifadə edə biləcəklər. İOS sistemi ilə işləyən smartfon istifadəçiləri isə bu imkana bir qədər gec malik olacaqlar.

Realpress.az techland.az-a istinadən bildirir ki, sözügedən dəyişikliklər "Google" şirkətinə məxsus olan YouTube videohostinqini də əhatə edəcək. Buradakı əlavələrin yenidən nizamlanması axtarışla bağlı tarixçəni avtomatik silməyə kömək edəcək. "Sizin məlumatların saxlanılması tarixini daxil edin və məsələn, üç ay və ya 18 aydan sonra biz geri qalanını özümüz həll edəcəyik", -deyə mətbuat açıqlamasında bildirilir.

Korporasiyanın bu addımı ötən il Associated Press agentliyinin müştərilərin icazəsi olmadan onların şirkət tərəfindən izlənilməsi ilə bağlı qalmaqallı məqaləsi ilə əlaqədar atılıb. Bu səbəbdən cari ilin avqustunda ABŞ-ın Kaliforniya ştatındakı San-Diyeqo şəhərinin sakini korporasiyanı məhkəməyə verib.

"Google" internet-axtarış və reklam texnologiyalarına sərmayə qoyan Amerika şirkətidir. O, həmçinin onlayn xidmətlərin göstərilməsi və yüksək texnologiyalı məhsulların istehsalı ilə də məşğul olur. Lari Peyc və Sergey Brinin əsasını qoyduqları bu korporasiya 1998-ci ilin sentyabrında özəl şirkət kimi qeydiyyatdan keçib və hazırda illik dövriyyəsi 100 milyard dollardan çox olan "Alphabet" holdinqinin bir hissəsidir. Onun mənzil-qərargahı Kaliforniya ştatındakı Mauntin-Vyu şəhərində yerləşir.


28 Mar 2020
Maraqlı

Martın 29-na keçən gecə Kərbəla bayraqdarının mövludunun ildönümüdür

Bu gecə, Şaban ayının 4-də (bu il martın 28-dən 29-na keçən gecə), müsəlmanlar imam Əlinin (ə) və Ümmülbəninin oğlu, imam Həsən (ə) və imam Hüseynin (ə) qardaşı, Kərbəlada İmam Hüseyn (ə) dəstəsinin bayraqdarı Həzrət Abbasın (ə) təvəllüd gününü qeyd edirlər.

27 Mar 2020
Maraqlı

Martın 28-nə keçən gecə imam Hüseynin (ə) mövludunun ildönümüdür

Martın 27-dən 28-nə keçən gecə Peyğəmbərimizin sevimli nəvəsi, İmam Əlinin (ə) və Peyğəmbərin qızı Fatimənin (ə) oğlu, müsəlmanların 3-cü imamı Hüseynin (ə) mövludunun ildönümüdür.

26 Mar 2020
Maraqlı

İnfeksiya epidemiyaları zamanı xiyar yeməyin müsbət tərəfləri açıqlandı

Əsasən yay aylarında qida rasionumuzun ayrılmaz hissəsi olan xiyar infeksiya epidemiyaları zamanı insan orqanizminə müsbət təsir göstərə bilər.