Malayziyanın keçmiş kralı V Məhəmmədə yaxın mənbənin verdiyi məlumata görə, onun keçmiş həyat yoldaşı, “Miss Moskva 2015” titulunun sahibi Oksana Voyevodina boşandıqdan sonra ondan “astronomik” bir məbləğ tələb edib.
“Daily Maily” xəbər verir ki, gözəllik kraliçasının özü hələ məlumatın doğruluğunu təsdiqləməyib.
Anonim mənbələrə görə, Voyevodina sultandan Moskvada 1,2 milyon funt sterlinq (2,5 milyon AZN) dəyərində mənzil, Londonda 8 milyon funt sterlinq (16,8 milyon AZN) dəyərində ev və övladını saxlamaq üçün aylıq 24 min funt sterlinq (50,3 min AZN) pul tələb edib.
Qeyd edək ki, cütlüyün toyu 2018-ci ilin noyabrında baş tutub. Toydan sonra V Məhəmməd taxtdan imtina edib. Cütlüyün boşanması ilə bağlı məlumatlar bu il iyulun 17-də yayılıb. Bildirilib ki, kral həyat yoldaşı ilə iyulun 1-də rəsmən boşanıb.
Azərbaycan Mərkəzi Bankının bu günə olan rəsmi valyuta məzənnələri açıqlanıb.
Çinin 127 milyon əhalisi olan Quandun əyalətindəki daşqın son 100 ilin ən böyük ikinci təbii fəlakəti hesab olunub.
