HAMİLƏLİK ZAMANI DÜZGÜN QİDALANMA.
Realpress.az Aptekonline.az istinadla bildirir ki, hər bir hamilə qadın – gələcək ana hamiləlik dövründə düzgün qidalanmanın dölün inkişafı, böyüməsi üçün nə qədər vacib olduğunu bilməlidir. Hamilə qadının qidası keyfiyyətli olmalı və düzgün təşkil edilməlidir. Qidanın tərkibində tələb olunan miqdarda zülallar, yağlar, karbohidratlar, vitaminlər, mineral duzlar və mikroelementlərin olması vacibdir. Qida hamilə qadının orqanizminin fizioloji tələbatını ödəməli, dölün inkişafını təmin etməlidir. Çünki, döl özünə lazım olan maddələri: zülallar, yağlar, karbohidratlar, vitaminlər və mikroelementləri anadan alır. Qeyri-düzgün qidalanma anemiya, səhər yorğunluğu, halsızlıq və qəbizlik kimi hamiləlik fəsadlarını yaradır. Hamiləlikdə tez-tez rastlanan ağırlaşmalardan biri də anemiyadır.
Anemiyanın əlamətləri. Anemiyanın əsas əlamətlərinə zəiflik, tez yorulma, dərinin quruması, başgicəllənməsi; daha ağır formalarda - saçların tökülməsi, ürək döyüntüsünün artması və bayılmalar aiddir. Anemiyanın yüngül, orta, ağır dərəcələri olur.
Anemiyanın fəsadları. Hamiləliyin ikinci yarısında toksikozun baş qaldırması, adəti düşük, vaxtından əvvəl doğuş, doğuş zamanı güclü qanaxma, dölün inkişafdan qalması, doğuşdan sonra süd ifrazının olmaması anemiyanın əsas fəsadlarıdır.
Hamiləlik dövründə anemiyanın müalicəsi və profilaktikası. Anemiyanın hamiləliyin gedişatına, dölün inkişafına və doğuş prosesinə mənfi təsir göstərdiyini nəzərə alsaq, artıq hamiləliyin ilk həftələrindən xəstəliyin qarşısını almaq üçün profilaktik tədbirlər görmək vacibdir. Anemiyanın profilaktikası və müalicəsi üçün hamilə qadının qida rasionuna mütləq tərkibində dəmir (qırmızı ət, alma, nar, ərik qurusu, qara gavalı qurusu, kişmiş) və heyvan mənşəli zülallar olan qidalar daxil edilməlidir. Əksər hallarda isə hamilələrdə olan anemiyanı yalnız pəhrizlə aradan qaldırmaq mümkün olmur. Bu halda həkimlər dəmir tərkibli preparatlar təyin edirlər. Dəmir preparatları ilə birlikdə hamilə qadına C vitamini və fol turşusu təyin olunur. Dəmir - orqanizmdə bütün orqan və toxumaları oksigenlə təmin edən hemoqlobinin yaranmasında mühüm rol oynayır. C vitamini - ciftin formalaşması və möhkəmləndirilməsinə, immunitetin artırılmasına, dəmirin mənimsənilməsinə köməklik edir. Fol turşusu - dölün sinir sisteminin formalaşmasında vacib rol oynayır. Hamiləlik dövründə sağlam və yaxşı balanslaşdırılmış qidalanma həm ana, həm də körpə üçün çox əhəmiyyətlidir.
Materialda əks olunmus məlumatlar müxtəlif qaynaqlardan, o cümlədən elmi-populyar məqalələr, internet materialları, rəsmi hesabatlar və s. əldə olunmuş, ümumiləşdirilmiş, tərcümə edilmiş və sistemləşdirilmişdir.
Ölkədə şəkərli diabet xəstələrinin dərmanlarla təminatında ciddi problemlər var.
Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.
İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.
24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.
Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.
