Sumqayıtda baş verən dəhşətli qəzada yanaraq ölən Fuad Musazadə İTV və “M Group Production” şirkətinin sabiq hüquqşünası olub.
Bu barədə realpress.az-a açıqlamasında “M Group Production” şirkətinin mətbuat xidmətinin rəhbəri Könül Əlibəyli məlumat verib.
K.Əlibəyli F.Musazadənin keçən il şirkətin hüquqşünası kimi işlədiyini bildirib. F.Musazadə, eləcə də, İctimai Televiziyanın və AzTV-nin sabiq əməkdaşı olub.
Qeyd edək ki, sentyabrın 19-da saat 15 radələrində Yeni Yaşma qəsəbəsi ərazisində Bakı şəhər sakinləri Anar Nəsir oğlu Rzayevin idarə etdiyi “Hyundai” və Fuad Şahin oğlu Musazadənin idarə etdiyi “Mercedes” markalı avtomobillər toqquşub. Hadisə nəticədəsində iki nəfər ölüb.
Nəticədə, maşınların toqquşmasından sonra, “Mercedes” yoldan çıxaraq aşıb və alışaraq yanıb. “Mercedes”in sürücüsü F.Musazadə maşından çıxa bilməyib və diri-diri yanaraq ölüb.
Azərbaycan Avtomobil Yolları Dövlət Agentliyi Bakı-Quba-Rusiya ilə dövlət sərhədi avtomobil yolunun 72-ci km-də yerüstü piyada keçidinin tikintisini yekunlaşdırmaq üzrədir.
“Bu ilin ilk rübündə ötən ilin ilk rübü ilə müqayisədə ümumi daxili məhsulun tərkibində qeyri-neft-qaz sektoru üzrə bir sıra sahələrdə yüksək artım templəri qeydə alınıb”.
Azərbaycan Respublikasının Prezidenti İlham Əliyev aprelin 16-da Hacıqabul rayonunda yenidən qurulacaq Şirvan suvarma kanalının təməlini qoyub və çıxış edib.
