Bakıda yol polisini təhqir edən sürücü üzr istəyib.
realpress.az-ın məlumatına görə, etdiyi hərəkətə görə peşman olan sürücü Fəxrəddin Nəsirov hadisənin başvermə anından danışıb:
“Maşını idarə edən zaman əlimdə telefon var idi. Polis əməkdaşı məni saxladı və sənədlərimi tələb etdi. Mən sənədimi ona təqdim etdim. O, məndən taksi fəaliyyəti ilə məşğul olmaq üçün lisenziyamın olub-olmadığımı soruşdu.
Mən də “yoxdur” cavabı verdim. Bu zaman polis əməkdaşı da mənə protokol yazdı. Mən onkoloji, şəkər xəstəsiyəm. Özümdə olmadım, protokolu götürüb maşına getdikdən sonra polisin bu hərəkətinə əsəbiləşdim və qayıdaraq onu təhqir etdim.
Həmin polis əməkdaşını tapıb üzr istəyəcəm. İşlətdiyim ifadəmə görə bütün polis əməkdaşlarından üzr istəyirəm”.
Qeyd edək ki, bu gün sosial şəbəkələrdə Bakıda yol polisi və sürücü arasında gərgin anları əks etdirən video yayılıb. Bakı Şəhər Dövlət Yol Polisi İdarəsinin əməkdaşı taksi sürücüsünə qayda pozuntusuna görə protokol tərtib edib. Bu zaman sürücü polisi ağır formada təhqir edib.
Gələn ay işğaldan azad edilən Şuşa şəhərinə 50 məcburi köçkün ailəsinin köçürülməsi planlaşdırılır.
Polis əməkdaşları Xankəndi şəhərində avtomat, qumbaraatan və qumbaralar tapıblar.
Qırğızıstan Prezidenti Sadır Japarov Azərbaycan Respublikasına rəsmi səfər edəcək.
