AÇ-2020-nin seçmə mərhələsinin B qrupunda Litvanı 5:1 hesabı ilə məğlub edən Portuqaliya millisinin kapitanı Kriştianu Ronaldu matça damğa vurdu.
Realpress.az sportal.az-a istinadən xəbər verir ki, oyunda dörd qol vuran 34 yaşlı hücumçu 7, 62 və 65-ci dəqiqələrdə fərqlənməklə het-trikini rəsmiləşdirib. Bununla da Ronaldu millidə 8-ci het-trikini reallaşdırıb.
Ronaldu milli komanda karyerasında 93-cü qolunu vurub. Milli komandalar tarixində ən çox qol vuran futbolçu ünvanını ələ keçirməyə iddialı olan ulduz futbolçu İran millisində 109 qol vuran Əli Daeni izləyir.
Bundan əlavə, Ronaldu Portuqaliya millisində 40 fərqli yığmaya qol vurmağı bacarıb. Onun qol vurduğu yığmalar arasında Azərbaycan millisi də var.
Ronaldo 25 qolla Avropa çempionatlarının seçmə mərhələ tarixlərinin bombardiridir.
Azərbaycanın idman gimnastı Nikita Simonov İtaliyanın Rimini şəhərində keçirilən Dünya Kubokunda final mərhələsinə vəsiqə qazanıb.
Bu gün Azərbaycanın 7 cüdoçusu Xorvatiyanın paytaxtı Zaqrebdə start götürəcək Avropa çempionatında mübarizəyə başlayacaq.
Azərbaycan bədii gimnastları Özbəkistanın paytaxtı Daşkənddə keçiriləcək Dünya kubokunda iştirak edəcəklər.
