Roza Zərgərli sosial şəbəkə fenomenlərinə savaş açdı: Efirdən uzaq tutmaq lazımdır

Roza Zərgərli sosial şəbəkə fenomenlərinə savaş açdı: Efirdən uzaq tutmaq lazımdır
11 Sent 2019 09:53


Müğənni Roza Zərgərli sosial mediada məşhur olan bəzi personajların televiziya kanallarına çıxmasının əleyhinə olduğunu söyləyib.

Zərgərli bu barədə Realpress.az-ın əməkdaşı ilə söhbətində fikir bildirib.

Sənətçi bildirib ki, kanallar efirlərinə sosial media fenomenlərini çağırmamalıdırlar: "TV kanallar verlişlərinə qonaq çağırdıqları insanlara diqqət yetirməlidirlər. Yüz ölçüb, bir biçməlidirlər. Düşünürəm ki, kanallar sosial şəbəkələrdə məşhur olan fenomenləri efirlərindən uzaq tutmalıdırlar. Efirə çıxartmamalıdırlar. Çünki onları nə qədər sosial media əhli izləsə də, bir o qədər tənqid edirlər. Tamaşaçı da efirdən onları seyr edib, əsəbiləşir".

"İTV-də yayımlanan "Bizim restoran" adlı yumoristik seriala çəkilirəm. Amma bununla bərabər, aparıcı kimi də fəaliyyətimi davam etdirirəm", - deyən R.Zərgərli yeni mahnı oxuyacağını və tezliklə klip çəkdirəcəyini də ilk olaraq saytımıza açıqlayıb.

“Yeni duetim gəlir. Çox sevdiyim həmkarım Əkbər Əliyevlə birlikdə oxumuşuq. Bildiyiniz kimi, o, "Mənə öyrət" ekran işində tərəf müqabilim olub. Biz bir-birimizi baxışlarımızdan, jestlərimizdən başa düşürük. Həm də diqqətlə klipi seyr etdikdə görürsünüz ki, ekran işinin məzmunu tam sona kimi göstərilməyib. Sanki yarıda kəsilir. Demək ki, ardı var. Duetimizi də tezliklə ekranlaşdırıb sosial mediada yayımlayacağıq. Ekran işinin rejissorluğunu da özüm edəcəyəm. Klipə təqdimat keçirməyi düşünmürəm. Çünki buna artıq ehtiyac yoxdur”, - deyə Roza Zərgərli bildirib.


8 May 2023
Şou-biznes

Mustafa Sandal Bakıya gəlir

Türkiyənin məşhur müğənnisi və bəstəkarı Mustafa Sandal Bakıda konsert proqramı ilə çıxış edəcək. 

23 May 2022
Şou-biznes

Conni Depp vəkili ilə eşq yaşayır?

Bədən dili üzrə ekspert Cudi Ceyms Conni Depp və vəkili Kamilla Vaskes arasında romantik münasibət olması haqda şayiələrə münasibət bildirib.

23 May 2022
Şou-biznes

Reper Dreyk Formula 1 mərcində 230 min dollar uduzdu

Məşhur kanadalı reper Dreyk İspaniya Qran Prisi başlamazdan əvvəl sosial şəbəkələrdə Formula 1 mərhələsinin nəticəsi ilə bağlı mərc etdiyi skrinşotu paylaşıb.