“3D” printerlə süni intellektli avtobus çap edilib (VİDEO)

“3D” printerlə süni intellektli avtobus çap edilib (VİDEO)
09 Sent 2019 11:30

"Local Motors" şirkəti süni intellektlə təchiz olunan və üçölçülü çap vasitəsilə yaradılan dünyanın ilk avtobusunu təqdim edib. Nəqliyyat vasitəsinin detallarının 80 faizi additiv texnologiyalar vasitəsilə yaradılıb. Hazırda layihə sınaq və tamamlama mərhələsindədir.

 

"ICTnews" Elektron Xəbər Xidməti "4PDA" resursuna istinadən yazır ki, məlumata görə, "Local Motors" 2016-cı ildə "IBM" şirkəti ilə birgə hazırlanan "Olli" sürücüsüz avtobusunu nümayiş etdirib. Nüfuzlu kompüter istehsalçısı ilə əməkdaşlıq gənc şirkətə süni intellekt sahəsində texnologiyalardan istifadəyə imkan verib. Tədqiqatlar nəticəsində kuza detalları "3D" printerin köməyi ilə hazırlanan yenilənmiş "Olli" avtobusu ərsəyə gətirilib.

 

Hazırda "Olli" küçələrdə istifadəyə hazır deyil. Model aşağı sürətli rejim və hospital, hərbi zona və ya istirahət bazaları kimi qapalı ərazilərdə hərəkət üçün nəzərdə tutulub.

 

Əvvəlki modellə müqayisədə "Olli"nin ikinci nəslində bir sıra təkmilləşdirmə işləri aparılıb. Belə ki, sərnişin tutumu 12 nəfər təşkil edən avtobus tam enerji topladıqdan sonra 160 km məsafə qət edə bilir. Nəqliyyat vasitəsi saatda 40 km sürətlə hərəkət edir. Bundan başqa, model müəyyən şəraitlərdə insan köməyi olmadan hərəkət etməyə imkan verən dördüncü səviyyəli avtopilot rejimi ilə seçilir.

Realpress.az


20 Sent 2019
İT

2020-ci ildə “5G”-smartfonların qlobal tədarükü 260 milyona yaxınlaşacaq

Tayvanın “Market Intelligence & Consulting Institute” şirkətinin analitiklərinin proqnozuna görə, 2020-ci ildə beşinci nəsil şəbəkələrini dəstəkləyən smartfonların tədarük həcmi 260 milyona yaxınlaşacaq. 2019-cu ildə “5G”-aparatların tədarük həcmi 11,4 milyon səviyyəsində gözlənilir.

20 Sent 2019
İT

“LTE” şəbəkələrinə qoşulmaların sayı 5 milyarda yaxınlaşıb

Bu ilin ikinci rübündə “LTE” şəbəkələrinə 250 milyona yaxın yeni qoşulma qeydə alınıb, onların ümumi sayı isə 4,7 milyarda çatıb. Bu barədə “Ovum” analitik şirkətinin sahə üzrə “5G Americas” Assosiasiyasına istinadən məlumatında deyilir.

20 Sent 2019
İT

Yapon alimləri ehtimala əsaslanan ilk kompüter təqdim ediblər

Yaponiyanın Toxoku və ABŞ-ın Perdyu universitetlərinin  mühəndisləri ehtimala əsaslanan kompüter sxemi üzrə işləyən ilk qurğu təqdim ediblər. Bu haqda “Science Daily” nəşri yazıb. 

20 Sent 2019
İT

"Əsrin müqaviləsi"nin 25 illiyinə həsr olunmuş poçt markaları dövriyyəyə buraxılıb

Nəqliyyat, Rabitə və Yüksək Texnologiyalar Nazirliyinin tabeliyində fəaliyyət göstərən “Azərmarka” MMC “Əsrin müqaviləsi”nə həsr olunmuş poçt markalarını tədavülə buraxıb.

20 Sent 2019
İT

“Facebook” televizor vasitəsilə videoçat üçün qurğu təqdim edib

"Facebook" şirkəti televizordan "Messenger" və "WhatsApp" proqramları vasitəsilə videozənglər etməyə imkan verən "Portal TV" qurğusunu təqdim edib. Sözügedən qurğu səsli idarəetməni dəstəkləyir.