Aşura günü ölkəmizdə qanvermə aksiyaları keçirilir.
Bu çox gözəl və xeyirxah ənənədir. Bir insandan alınmış qan bir neçə insana kömək edə bilər, kiminsə sağlamlığını, kiminsə isə həyatını xilas edə bilər...
Saglamolun.az bu yazıda oxucularını qanvermənin donorun sağlamlığı üçün olan faydaları ilə tanış edir. Bəli, öz qanını digər insanlarla paylaşan insan bunu etməklə öz orqanizmini daha möhkəm və sağlam edir.
Hələ qədim zamanlardan qanalma müxtəlif xəstəliklər zamanı müalicə üsulu kimi istifadə olunurdu. Müasir tibdə sübut olunub ki, donorluq insanın sağlamlığına nəinki zərər vurmur, əksinə böyük fayda verir.
- Böyüklərin orqanizmində təxminən 5,5 litr qan olur. Qanvermə zamanı 450 qr kimi qan alına bilər ki, bu insanın sağlamlığı üçün heç bir təhlükə yaratmır.
- Qanvermə orqanizmə güclü stimullaşdırıcı təsir edir. Qan hücüyrələri sürətlə bərpa olunur, qan yenilənir, orqanizm yenilənir. Bu isə orqanizmə ümumi möhkəmləndirici və cavanlaşdırıcı təsir edir.
2007-ci ildə Danimarka və İsveçrə həkimləri donorlarla bağlı olan ciddi araşdırmalar apardılar. Nəticədə məlum oldu ki, adi insanla müqayisədə müntəzəm qan verən donorlar arasında dəri, qan, oynaqlar və əzələ, böyrək, ağ ciyər, sinir sistemi və s. xəstəlikləri daha az yayılıb. Donorlar arasında ürək-damar və onkoloji xəstəliklərindən ölüm halları adi insanlarla müqayisədə 25-30% azdır.
- Sübut olunub ki, daim qan verən insanın müxtəlif travmalar, qəzalar və s. nəticəsində qanaxmadan həlak olmaq riski adi insanla müqayisədə daha azdır. Yəni donor və adi insan eyni travma alarsa, donorun sağ qalmaq ehtimalı daha yüksəkdir. Bu xüsusilə peşələri risklə bağlı olan insanlar üçün (polislər, hərbiçilər, xilasedicilər və s.) vacibdir.
- Qanvermə müxtəlif ürək-damar sistemi xəstəliklərinin, aterosklerozun, infarktın, insultun profilaktikası sayılır. Qanvermə tromblara meylli olan insanlar üçün xeyirlidir.
- Qanvermə immun sisteminin, qara ciyərin, dalağın fəaliyyətini yaxşılaşdırır, mübadilə proseslərini sürətləndirir.
- Böyük donorluq stajı olan insanlar israr edir ki, qanvermədən sonra onlar özünü daha yaxşı və fəal hiss edir, sanki bir neçə il cavanlaşırlar.
- Ümumdünya Səhiyyə Təşkilatının məlumatlarına əsasən, donorlar adi insanlarla müqayisədə orta hesabla 5 il çox yaşayırlar.
Ölkədə şəkərli diabet xəstələrinin dərmanlarla təminatında ciddi problemlər var.
Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.
İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.
24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.
Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.
