Süni intellekt sistemləri üçün qlobal xərclər 98 milyard dollara çatacaq

Süni intellekt sistemləri üçün qlobal xərclər 98 milyard dollara çatacaq
06 Sent 2019 15:11

“IDC” analitik şirkəti yaxın illərdə süni intellekt sistemləri üçün qlobal xərclərin artmaqda davam edəcəyini proqnozlaşdırır.

 

“ICTnews” Elektron Xəbər Xidməti “DailyComm” resursuna istinadən yazır ki, yenilənmiş qiymətləndirməyə görə, 2019-cu ildə dünyada süni intellekt sistemlərinə 37,5 milyard dollar xərclənəcək, 2023-cü ildə göstərici 2,5 dəfədən çox artaraq 97,9 milyard dollara çatacaq. Bunu nəzərə alaraq hesabat dövründə bazarın ortaillik artım tempi (CAGR) 28,4 faiz təşkil edəcək.

 

Süni intellektə daha çox ABŞ vəsait sərf edəcək – süni intellekt xərcləri üçün proqnozlaşdırılan bütün xərclərin yarısı bu ölkənin payına düşəcək. Qərbi Avropa ikinci yeri tutacaq, Çin isə böyüklüyünə görə dünyanın üçüncü ən böyük süni intellekt bazarı olacaq. Dinamikaya gəldikdə, yaxın beş il ərzində süni intellekt xərcləri Yaponiyada daha sürətlə artacaq – orta hesabla 45,3 faiz. Təxminən eyni (44,9 faiz) “CAGR” göstəricisi Çində də gözlənilir.

 

“Süni intellekt və kompüter təlimi bu gün əksər təşkilatlarda prioritet təşkil edir. “IDC” ehtimal edir ki, yaxın onillikdə bu texnologiya bir sıra sahələrdə köklü dəyişikliklərə səbəb olacaq”, – tədqiqatda qeyd olunur.

 

Pərakəndə satış və bank işi süni intellekt sistemləri üçün xərclərə görə lider sahələr olacaq. Proqnoza görə, 2019-cu ildə qeyd edilən sahələr üzrə süni intellekt xərcləri 5 milyard dolları ötəcək.

 

Pərakəndə ticarətdə bütün məbləğin təqribən yarısı müştərilərə xidmət, alış-veriş zamanı məsləhət və məhsul seçimi üzrə tövsiyələrin tərtibi üçün avtomatik sistemlərin payına düşəcək. Bank seqmentində əsas diqqət təhdidlərin aşkarlanması və qarşısının alınması, eləcə də fırıldaqçılıq hallarının təhlili və araşdırılması üçün süni intellekt sistemlərinə yönəldiləcək.

 

Süni intellekt sistemlərinə böyük investisiyaların gözlənildiyi digər sahələr arasında mütəxəssislər tərəfindən diskret istehsal, emal sənayesi, səhiyyə və peşə xidmətləri sahəsi qeyd olunur. Süni intellekt xərclərində ən yüksək artım tempi media sənayesində və “CAGR” göstəricilərinin müvafiq olaraq 33,7 və 33,6 faizə çatacağı federal və mərkəzi hakimiyyət orqanlarında gözlənilir.

Realpress.az



18 Fev 2020
İT

Çində məktəblərdə koronavirusun yayılmasına görə onlayn təhsil sisteminə başlanılıb

Çində ay təqvimi üzrə Yeni il bayramı ilə əlaqədar tətildən sonra məktəblərdə dərslər fevralın 17-də başlamalı idi. Ancaq “COVID-19” virusunun kütləvi yayılmasına görə məktəblərin açılışı təxirə salınır. Şagirdlərin yenidən məktəblərdə parta arxasında oturacağı tarix hələ ki dəqiq bilinmir. Amma tədris prosesi dayandırılmayıb: milyonlarla çinli məktəbli internet üzərindən biliklərə yiyələnəcək.

18 Fev 2020
İT

“Google” ictimai yerlərdə ödənişsiz “Wi-Fi” layihəsinin fəaliyyətini dayandırır

“Google” şirkəti ictimai yerlərdə ödənişsiz “Wi-Fi” xidmətinin fəaliyyətini dayandırıb. Layihənin bağlanmasının rəsmi səbəbi kimi dünyada mobil internetin dəyərinin aşağı düşməsidir. Bu haqda “TechCrunch” bloqu yazıb.

18 Fev 2020
İT

Britaniya havanın proqnozlaşdırılması üçün superkompüterin alınmasına 1,6 milyard dollar ayırıb

Böyük Britaniya hökuməti müxtəlif hava və iqlim dəyişikliklərinin daha dəqiq proqnozlaşdırılması üçün nəzərdə tutulan müasir superkompüterin alınması üçün Milli Meteoroloji Xidmətə 1,2 milyard funt-sterlinq (1,6 milyard dollar) ayırıb.

18 Fev 2020
İT

“Mastercard” Avropada Kibertəhlükəsizlik Mərkəzi yaradıb

"Mastercard" şirkəti Belçikada yerləşən Avropa mənzil-qərargahı əsasında yeni Kibertəhlükəsizlik Mərkəzi yaradıb. Mərkəz sənaye, dövlət sektoru və tənzimləyici orqanlar arasında informasiya təhlükəsizliyi sahəsində regional əməkdaşlıq və innovasiyaların inkişafı ilə məşğul olacaq.  

18 Fev 2020
İT

Yeni nəsil elastik robotlar olduqları yeri toxunuşla müəyyənləşdirəcəklər

Massaçusets Texnologiya İnstitutunun mühəndisləri yeni nəsil elastik robotlara olduqları yeri toxunuşla hiss edərək müəyyənləşdirməyi öyrədiblər.