Azərbaycanın Gürcüstandakı səfirliyi ölkənin azərbaycandilli məktəblərinə göndərilən dərs vəsaitlərinin təhsil müəssisələrinə çatdırılması prosesini diqqətdə saxlayacaq.
Realpress.az AZƏRTAC-a istinadla xəbər verir ki, bu sözləri Azərbaycanın Gürcüstandakı səfirliyinin məsul əməkdaşı Sərxan İsmayılov jurnalistlərə açıqlamasında söyləyib. O deyib ki, bu il Azərbaycandan göndərilən dərsliklər Gürcüstanın Təhsil, Elm, Mədəniyyət və İdman Nazirliyinə təqdim olunub. Dərsliklərin azərbaycandilli məktəblərə çatdırılması prosesində nazirliyin məsul əməkdaşları ilə birlikdə səfirliyin nümayəndələri də iştirak edəcəklər.
S.İsmayılov qeyd edib ki, dərs ilinin başlanmasına qədər azərbaycandilli məktəblərin direktorları ilə səfirlikdə görüş keçirilməsi nəzərdə tutulur.
Xatırladaq ki, Azərbaycan dövləti hər il qonşu ölkənin azərbaycandilli məktəblərinə dərs vəsaitləri göndərir. Bu il Azərbaycanın Təhsil Nazirliyi Gürcüstandakı azərbaycandilli məktəblərin I-XI sinifləri üçün 20 min 622 ədəd “Azərbaycan dili” və “Ədəbiyyat” dərsliyi, müəllimlər üçün isə metodik vəsaitlər göndərib.
Ümummilli lider Heydər Əliyevin anadan olmasının 99-cu ildönümünə həsr olunan “Sən elə bir zirvəsən” respublika ifa müsabiqəsi mayın 5-dək davam edəcək. Müsabiqə Təhsil Nazirliyinin dəstəyi, Gənclərin Respublika Bədii Yaradıcılıq Evinin təşkilatçılığı ilə nazirlik sistemində fəaliyyət göstərən peşə və orta ixtisas təhsili müəssisələrinin şagird və tələbələri arasında keçirilir.
Magistraturaya qəbul imtahanında ən yüksək nəticə toplanılması mümkün olan 100 baldan 98 olub. Qəbul imtahanındakı nəticələri müsabiqə şərtlərini ödəyən bakalavrlar ixtisaslaşma seçiminə buraxılırlar. Müsabiqə şərtləri müxtəlif ixtisas qruplarına uyğun olaraq 30, 40, 45, 50 baldır.
Bir nəfərdə mobil telefon aşkarlandığı üçün, bir nəfər isə köçürməyə cəhd etdiyi üçün imtahandan xaric olunub və nəticələri ləğv edilib. Bundan əlavə, sual kitabçasını özü ilə aparan 4 nəfərin nəticəsi araşdırılır.
