Kosmik müharibəyə hazırlıq: rekord miqdarda pul ayrılır

Kosmik müharibəyə hazırlıq: rekord miqdarda pul ayrılır
27 Avq 2019 13:08


Avqustun 21-də Yaponiya Müdafiə Nazirliyinin 2020-ci il üçün hazırladığı büdcə planının məzmunu məlum olub.

Realpress.az-ın məlumatına görə, büdcədə Yaponiyanın kosmik imkanlarının artırılması üçün yeni kosmik qüvvələrin yaradılması nəzərdə tutulur.

Yaponiya kosmosa nəzarət etmək üçün ABŞ-dan olan hərbi təlimatçıları ölkəyə dəvət edəcək. Eyni zamanda, Yaponiya hərbçilərini Birləşmiş Ştatlara təcrübə keçmək üçün göndərəcək.

Bundan başqa, kosmosa yerləşdirmək üçün yeni optik teleskop hazırlanacaq. ABŞ, Çin, Rusiya və digər ölkələr kosmik məkanın hərbi məqsədlər üçün istifadəsinə dair araşdırmalara başlayıblar. Yaponiya da bu məsələyə qısa müddətdə cavab verməlidir.

Yaponiyanın müvafiq sistemləri ABŞ texnologiyasına uyğun olacaq. Həmçinin iki ölkə arasında məlumat mübadiləsi həyata keçiriləcək.

Yaponiyanın kosmik qüvvələri Tokio prefekturasının Futyu şəhəri yaxınlığındakı hərbi bazada yerləşdiriləcək.

Kosmik bölmənin tərkibinə Yaponiya Aerokosmik Tədqiqatlar Mərkəzində və ABŞ Hərbi Hava Qüvvələrində təlim keçmiş 70 mütəxəssis daxil olacaq.

Bununla paralel olaraq, Quru Qoşunlarında elektron müharibə bölməsi yaradılacaq. Bu bölmənin vəzifəsi elektromaqnit dalğalarından istifadə etməklə düşmən qüvvələrinin fəaliyyətinə maneələr yaratmaqdan ibarət olacaq. 80 nəfər şəxsi heyətdən ibarət olacaq birlik Çin qoşunlarının hərəkətlərini izləyəcək.

Büdcədə elektron döyüş təyyarələrinin inkişaf etdirilməsi də planlaşdırılır. Bu texnika düşmən raketlərinin atılmasının qarşısını almaq üçündür.

Yaponiya Müdafiə Nazirliyi bildirir ki, bu sistemlə ölkəyə qarşı hava hücumlarını effektiv şəkildə dəf etmək olar.

Yaponiyanın 2012-ci ildən bu yana müdafiə xərcləri artır. Bu isə mütəxəssisləri narahat edir. Yaponiya kosmik qüvvələrə isə rekord miqdarda vəsait ayırmağı planlaşdırır (5.3 trilyon yen).

Mütəxəssislər bildirirlər ki, kosmosda çox sayda rabitə peykinin olması təhlükəsizlik nöqteyi-nəzərindən nəzarətin əhəmiyyətini artırır.

Peyklərin digər köhnə qurğuların qalıqları ilə toqquşma riski var. Bundan başqa, Rusiya və Çinin düşmən peyklərini məhv etmək üçün "qatil peyklər" hazırladığı ehtimal edilir.

ABŞ isə yerüstü radarlardan istifadə etməklə kosmosda müşahidə aparır.


17 Sent 2019
Hərbi

Azərbaycan alimləri iri çaplı pulemyotlar üçün yeni stend yaradıblar

AMEA Rəyasət Heyəti aparatının Strateji Elmi Tədqiqatlar Mərkəzinin güc strukturları üçün icra etdiyi layihə çərçivəsində birinci mərhələ həyata keçirilib.

16 Sent 2019
Hərbi

Düşmən atəşkəsi yenə pozdu — Cəbhədə gərginlik

Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs rejimini 22 dəfə pozub.

13 Sent 2019
Hərbi

Azərbaycan Ordusu genişmiqyaslı təlimlərə başlayır

Azərbaycan Ordusu genişmiqyaslı təlimlərə başlayır

12 Sent 2019
Hərbi

Cəbhədə GƏRGİN GECƏ

Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs rejimini 21 dəfə pozub.