Yağış sürüşmə zonalarını aktivləşdirdi

Yağış sürüşmə zonalarını aktivləşdirdi
09 Avq 2019 15:42


Son vaxtlar ölkə ərazisində intensiv yağan yağışlar nəticəsində sürüşmə zonalarında aktivlik müşahidə olunub.

Bunu realpress.az-a Ekologiya və Təbii Sərvətlər Nazirliyinin (ETSN) Milli Geoloji Kəşfiyyat Xidmətinin Geoloji planlama ekspedisiyasının rəisi Əziz Qaralov deyib.

Onun sözlərinə görə, son günlər yağan yağışlar daha çox bölgələrdəki sürüşmə zonalarında aktivləşib:

“Bakı-Şamaxı yolunun 11-106-cı kilometrliyində yol tikintisi aparılan müəyyən yerlərdə lokal tipli çökmə prosesləri var. Eyni zamanda, son günlər Quba rayonu ərazisində “Quruçay” deyilən yerdə - indi Alpan-Xınalıq yolu çəkilən ərazidə aktivləşmə var. Yəni Susay kəndindən təxminən beş kilometr şimal-qərbdə “Quruçay”ın sol sahilində 40 hektara yaxın ərazidə axıntı tipli sürüşmə prosesi baş verib”.

Ekspedisiya rəisi bildirib ki, sürüşmə məhsulları nazik, narın, dənəli, gilli və qumlu çökmə süxurlardan ibarət olduğuna görə şirəli gillərdir:

“Suda isə böyük bulanıqlıq var. Çay ətrafında yerləşən kəndlərin təxminən 15 minə yaxın əhalisi içməli suyu oradan təmin edirlər. Yəni əhalinin yeganə su təchizatı həmin çaydır. Qeyd edim ki, həmin yerlərdə hələ də gərginlik qalır”.

Ə.Qaralov əlavə edib ki, şimal bölgəsində yerləşən Qusarçay sahəsində də sürüşmə olub:

“Badamdarda isə sürüşmə kütləsinin üzərində heç bir gərginlik müşahidə olunmayıb. Stabil vəziyyətdir. Bu gün Bakı və Abşerona yağan intensiv yağışlar nəticəsində aktivləşməsi ehtimal edilən sürüşmə zonaları haqqında isə monitorinqlər aparıldıqdan sonra məlumat veriləcək”.


28 Mar 2024
Cəmiyyət

Sumqayıtda avtomobil yollarının təmirinə başlanılıb

Azərbaycan Avtomobil Yolları Dövlət Agentliyi Sumqayıt şəhərində avtomobil yollarının əsaslı təmiri ilə bağlı ölkə Prezidentinin Sərəncamına əsasən genişmiqyaslı təmir-tikinti işlərinə başlayıb.

28 Mar 2024
Cəmiyyət

Dövlət İmtahan Mərkəzi auditor seçir

Dövlət İmtahan Mərkəzi (DİM) 2023-2024-cü illər üzrə maliyyə hesabatlarının auditi üçün kotirovka sorğusu elan edib.

28 Mar 2024
Cəmiyyət

Sabah 20° isti olacaq

Mart 29-na gözlənilən hava proqnozu açıqlanıb.

28 Mar 2024
Cəmiyyət

Bu gecə ehtimal edilən ilk Qədr gecəsidir

Bu gecə Azərbaycanda Ramazan ayının ehtimal edilən ilk Qədr (əhya) gecəsidir.

28 Mar 2024
Cəmiyyət

Nazir: “Strateji sahələrin təmsilçilərinə təbriklərimizi çatdırırıq” - FOTO

İqtisadiyyat naziri Mikayıl Cabbarov Azərbaycan Respublikasının dövlət təhlükəsizliyi və xarici kəşfiyyat orqanları əməkdaşlarının peşə bayramları münasibəti ilə təbrik edib.