“Xiaomi” 108 meqapiksel kameralı smartfon üzərində çalışır

“Xiaomi” 108 meqapiksel kameralı smartfon üzərində çalışır
08 Avq 2019 15:20

Çinin "Xiaomi" şirkəti Pekində keçirilən "Future Image Technology Communication Meeting" tədbirində smartfonların gələcək kameraları barədə məlumat təqdim edib.

 

"ICTnews" Elektron Xəbər Xidməti "Planet Today" resursuna istinadən yazır ki, tədbirdə çıxış edən "Xiaomi" həmtəsisçisi və prezidenti Lin Bin bildirib ki, iki il əvvəl şirkətdə təsvirlərin formalaşdırılması texnologiyalarının hazırlanması üzrə şöbə, ötən ilin yazında isə portativ qurğular üçün kamera modullarına görə məsuliyyət daşıyan bölmə yaradılıb.

 

Onun sözlərinə görə, yaxın vaxtlarda "Samsung ISOCELL Bright GW1" ötürücüsü əsasında yaradılan 64 meqapikselli "Redmi" smartfonu satışa çıxarılacaq. Bu, pikselləri dörd blokda birləşən 1/1.7 düym ölçülü matrisadır – sensor pis işıqlandırma şəraitində aşağı səs səviyyəsində 16 meqapikselli və ya yaxşı işıqlandırmada maksimum detallı 64 meqapikselli şəkillər çəkir.

 

Şirkət prezidentinin sözlərinə görə, "Xiaomi", həmçinin 108 meqapikselli "Samsung" sensoru ilə təchiz edilən smartfon buraxmağa hazırlaşır. Bu, 12032x9024 pikselli şəkillər çəkməyə imkan verəcək ki, bu da smartfonlar üçün ən böyük təsvir ölçüsü hesab edilir.

Realpress.az


7 Dek 2019
İT

Ənənəvi nəqliyyat vasitələrinin alternativi hazırlanıb

"Manyone" şirkəti ənənəvi nəqliyyat vasitələrinin unikal alternativini hazırlayıb. Belə ki, özündə təyyarə və qatarın üstünlüklərini birləşdirən "AeroSlide" adlı konsept adi relslər əvəzinə, innovativ maqnit halqalar sistemindən istifadəni nəzərdə tutur. Qatar məhz halqaların daxilində sürətlə hərəkət edəcək.  

7 Dek 2019
İT

“5G” dəstəkli “Xiaomi” smartfonları iki rejimdə işləyəcək

"Xiaomi" həmtəsisçisi və prezidenti Lin Bin şirkətin beşinci nəsil mobil rabitə şəbəkəsini (5G) dəstəkləyən smartfonların buraxılışı ilə bağlı planlarını açıqlayıb.

7 Dek 2019
İT

“Harmony OS” ən populyar əməliyyat sistemləri beşliyinə daxil olacaq

"Huawei" şirkətinin inkişaf etdirdiyi "Harmony OS" 2020-ci ilin sonunda ən populyar əməliyyat sistemləri beşliyinə daxil olacaq. Bu barədə Çin şirkətinin ictimaiyyətlə əlaqələr üzrə baş vitse-prezidenti Coy Tan bildirib.

7 Dek 2019
İT

“Alibaba”nın alqoritmi dodaqdan əvvəllər əlçatmaz olan dəqiqliklə oxuyur

Dodaqdan oxuyan alqoritmlər artıq bir neçə ildir mövcuddur, ancaq onlar dəqiqlik göstəricisinə görə səs tanıma sistemlərindən geri qalırlar. "Alibaba" şirkəti, Çjeszyan Universiteti və Stivens Texnologiya İnstitutunun alimləri bu texnologiyanı təkmilləşdirməyə qərar veriblər.

6 Dek 2019
İT

Maddənin ən kiçik hissəciklərini birləşdirə bilən yapışqan hazırlanıb

Alimlər tərəfindən plastik və şüşə məmulatlar üçün hazırlanmış hiper yapışqan maddələr arasında molekulyar səviyyədə yeni güclü əlaqələr yaradır. Bu haqda "Science" jurnalında dərc edilmiş araşdırmada məlumat verilir.