“Samsung Galaxy Book S” noutbuku təqdim olunub

“Samsung Galaxy Book S” noutbuku təqdim olunub
08 Avq 2019 10:13

"Samsung" şirkəti 1080p təsvir ölçülü 13,3 düym diaqonallı sensor ekranla təchiz edilən "Galaxy Book S" noutbukunu rəsmən təqdim edib. O, yaradıcılıqla məşğul olan insanlar üçün nəzərdə tutulan kompüter kimi təqdim edilir.

 

"ICTnews" Elektron Xəbər Xidməti "Lifehacker" resursuna istinadən yazır ki, yeni qurğu 7 nanometrlik texnoloji proses üzrə hazırlanan səkkiznüvəli "Qualcomm Snapdragon 8cx" prosessoru, 8 giqabaytlıq operativ yaddaş və modifikasiyadan asılı olaraq 256/512 giqabayt tutumlu quraşdırılmış yaddaş ilə təchiz olunub. Noutbukun yaddaşını, həmçinin 1 terabayt tutumlu "micro SD" kartı ilə artırmaq mümkündür.

 

Bundan başqa, "Galaxy Book S" noutbuku SİM kart üçün çıxışa və maksimal avtonomluğu təmin edən "LTE" şəbəkəsi dəstəyinə malikdir. Aksesuarların qoşulması üçün 1 "USB-C" çıxışı nəzərdə tutulub. Barmaq izi skaneri isə fərdi məlumatları qorumağa kömək edəcək.

 

42 vatt-saata bərabər akkumulyator tutumu videoya baxma rejimində 23 saatadək avtonom iş vaxtını təmin edir. Yeni qurğunun çəkisi 0,95 kq, qalınlığı isə 11,8 millimetrdir. Müqayisə üçün qeyd edək ki, 13 düymlük "MacBook Air" (2019) noutbukunda bu parametrlər müvafiq olaraq 1,25 kq və 15,6 mm təşkil edir.

 

Payızda satışa çıxarılacaq "Windows 10" əməliyyat sistemli "Samsung Galaxy Book S" noutbukunun 256 giqabaytlıq versiyasının rəsmi qiyməti 999 dollara bərabərdir.

Realpress.az



7 Dek 2019
İT

Ənənəvi nəqliyyat vasitələrinin alternativi hazırlanıb

"Manyone" şirkəti ənənəvi nəqliyyat vasitələrinin unikal alternativini hazırlayıb. Belə ki, özündə təyyarə və qatarın üstünlüklərini birləşdirən "AeroSlide" adlı konsept adi relslər əvəzinə, innovativ maqnit halqalar sistemindən istifadəni nəzərdə tutur. Qatar məhz halqaların daxilində sürətlə hərəkət edəcək.  

7 Dek 2019
İT

“5G” dəstəkli “Xiaomi” smartfonları iki rejimdə işləyəcək

"Xiaomi" həmtəsisçisi və prezidenti Lin Bin şirkətin beşinci nəsil mobil rabitə şəbəkəsini (5G) dəstəkləyən smartfonların buraxılışı ilə bağlı planlarını açıqlayıb.

7 Dek 2019
İT

“Harmony OS” ən populyar əməliyyat sistemləri beşliyinə daxil olacaq

"Huawei" şirkətinin inkişaf etdirdiyi "Harmony OS" 2020-ci ilin sonunda ən populyar əməliyyat sistemləri beşliyinə daxil olacaq. Bu barədə Çin şirkətinin ictimaiyyətlə əlaqələr üzrə baş vitse-prezidenti Coy Tan bildirib.

7 Dek 2019
İT

“Alibaba”nın alqoritmi dodaqdan əvvəllər əlçatmaz olan dəqiqliklə oxuyur

Dodaqdan oxuyan alqoritmlər artıq bir neçə ildir mövcuddur, ancaq onlar dəqiqlik göstəricisinə görə səs tanıma sistemlərindən geri qalırlar. "Alibaba" şirkəti, Çjeszyan Universiteti və Stivens Texnologiya İnstitutunun alimləri bu texnologiyanı təkmilləşdirməyə qərar veriblər.

6 Dek 2019
İT

Maddənin ən kiçik hissəciklərini birləşdirə bilən yapışqan hazırlanıb

Alimlər tərəfindən plastik və şüşə məmulatlar üçün hazırlanmış hiper yapışqan maddələr arasında molekulyar səviyyədə yeni güclü əlaqələr yaradır. Bu haqda "Science" jurnalında dərc edilmiş araşdırmada məlumat verilir.