İsrailin “Amos-17” telekommunikasiya peyki orbitə çıxarılıb

İsrailin “Amos-17” telekommunikasiya peyki orbitə çıxarılıb
07 Avq 2019 13:05

Avqustun 7-də ABŞ-ın "SpaceX" kosmik korporasiyası "Falcon 9" raketdaşıyıcısının növbəti uğurlu uçuşunu həyata keçirərək "Spacecom" şirkətinin sifarişi ilə İsrailin "Amos-17" telekommunikasiya peykini orbitə çıxarıb.

 

"ICTnews" Elektron Xəbər Xidməti "NEWSru" resursuna istinadən yazır ki, 36 min km hündürlükdə geosinxron orbitə çıxarılan "Amos-17" aparatı "Boeing" şirkəti tərəfindən hazırlanıb. O, "Amos" peyk qruplaşmasını tamamlayaraq "Spacecom" şirkətinin afrikalı istifadəçilərinin müxtəlif telekommunikasiya servis və xidmətlərinə çıxışını təmin edəcək. Peykin planlaşdırılan istismar müddəti 20 il təşkil edir.

 

Qeyd olunur ki, "SpaceX" bu buraxılışı sifarişçi üçün pulsuz həyata keçirib. Buna səbəb isə "Spacecom" şirkətinin əvvəlki peykinin (Amos-6) "Falcon 9" raketdaşıyıcısının 2016-cı ilin sentyabrında start meydançasında partlaması nəticəsində itirilməsidir. O zaman "Spacecom" şirkətinə 50 milyon dollar kompensasiyanın ödənilməsi və ya növbəti peykin pulsuz buraxılması təklif olunub. İsrail şirkəti ikinci variantı seçib.

 


7 Dek 2019
İT

Ənənəvi nəqliyyat vasitələrinin alternativi hazırlanıb

"Manyone" şirkəti ənənəvi nəqliyyat vasitələrinin unikal alternativini hazırlayıb. Belə ki, özündə təyyarə və qatarın üstünlüklərini birləşdirən "AeroSlide" adlı konsept adi relslər əvəzinə, innovativ maqnit halqalar sistemindən istifadəni nəzərdə tutur. Qatar məhz halqaların daxilində sürətlə hərəkət edəcək.  

7 Dek 2019
İT

“5G” dəstəkli “Xiaomi” smartfonları iki rejimdə işləyəcək

"Xiaomi" həmtəsisçisi və prezidenti Lin Bin şirkətin beşinci nəsil mobil rabitə şəbəkəsini (5G) dəstəkləyən smartfonların buraxılışı ilə bağlı planlarını açıqlayıb.

7 Dek 2019
İT

“Harmony OS” ən populyar əməliyyat sistemləri beşliyinə daxil olacaq

"Huawei" şirkətinin inkişaf etdirdiyi "Harmony OS" 2020-ci ilin sonunda ən populyar əməliyyat sistemləri beşliyinə daxil olacaq. Bu barədə Çin şirkətinin ictimaiyyətlə əlaqələr üzrə baş vitse-prezidenti Coy Tan bildirib.

7 Dek 2019
İT

“Alibaba”nın alqoritmi dodaqdan əvvəllər əlçatmaz olan dəqiqliklə oxuyur

Dodaqdan oxuyan alqoritmlər artıq bir neçə ildir mövcuddur, ancaq onlar dəqiqlik göstəricisinə görə səs tanıma sistemlərindən geri qalırlar. "Alibaba" şirkəti, Çjeszyan Universiteti və Stivens Texnologiya İnstitutunun alimləri bu texnologiyanı təkmilləşdirməyə qərar veriblər.

6 Dek 2019
İT

Maddənin ən kiçik hissəciklərini birləşdirə bilən yapışqan hazırlanıb

Alimlər tərəfindən plastik və şüşə məmulatlar üçün hazırlanmış hiper yapışqan maddələr arasında molekulyar səviyyədə yeni güclü əlaqələr yaradır. Bu haqda "Science" jurnalında dərc edilmiş araşdırmada məlumat verilir.