BİZ GÖBƏLƏKDƏN QORUNURUQMU?
Realpress.az Aptekonline.az-a istinadla bildirir ki,yay aylarında, şəhərdə açıq ayaqqabılarla, çimərlikdə çılpaq ayağımızla gəzirik və göbələk xəstəliyinin təhlükəsi barədə unuduruq. Göbələklə yoluxmaq asandır, lakin müalicəsi çox vaxt aparır.
Ayaq göbələk infeksiyası və ya mikozu - ayaqların, dırnaqların, barmaq arası nahiyyənin ən çox yayılmış xəstəliklərindən biridir. Rəsmi statistik məlumatlara görə, əhalinin 35%-i bu infeksiyaya yoluxur. Ancaq bütün xəstələr ayaqlarında göbələk xəstəliyinin olduğunu dərhal hiss etmir, buna görə də həkimə müraciət üçün tələsmirlər. Həkimə problem nəzərəçarpacaq hala gəldikdə müraciət edirlər. Bu da əlbəttə ki, müalicə müddəti uzanmasına və müalicənin çətinləşməsinə gətirib çıxarır.
Bir insan ayaqlarında göbələk xəstəliyinin olmasını necə anlaya bilər? İlk görünən əlamətlər qızartı, qaşınma və ayaq dərisində yanğı hissi, barmaqlar arasında çatlarıdır. Dırnaqlara da, xüsusi diqqət yetirmək lazımdır, çünki bu zaman dırnaqda da struktur dəyişikliyi baş verir, dırnaq qalınlaşır, qırılır, rəngi dəyişir, dırnağın ətrafında dəri şişir və qızarır. Spesifik qoxu əmələ gəlir.
Bu nə üçün baş verir, biz harada və necə yoluxuruq? Risk zonasına ictimai yerlər, su kompleksləri, idman zalları, paltardəyişmə otaqları, sauna, hamam və çimərlikləri aid etmək olar. Yoluxmamaq üçün başqalarının ayaqqabıları geyinilməməli, ictimai yerlərdə ayaqyalın gəzilməməlidir. Əlbəttə ki, manikür aksesuarlarını dezinfeksiya etməyi də unutmayın. Bundan əlavə həddindən artıq tərləmə, immunitetin aşağı olması, endokrin sistemdə olan pozulmalar, xroniki xəstəliklər, diabet, hipo və avitominozlar və QİÇS də göbələk infeksiyalarına səbəb ola bilər.
Göbələk infeksiyasına yoluxmamaq üçün nə edilməlidir? Gigiyena qaydalarına ciddi riayət edilməli, əllərə və ayaqlara qulluq edilməlidir. Manikür və pedikür edildikdə avadanlıqların təmizliyinə diqqət edilməlidir. Yoluxma riskinin geydiyimiz ayaqqabılardan asılı olduğunu bilmək lazımdır, ayaqqabı seçərkən təbii materiallara üstünlük verilməlidir. Həddindən artıq tərləməyə, əllərin və ayaqların quruluğuna qarşı mübarizə aparmaq və yastıpəncəliliyi müalicə etmək lazımdır. Uzunmüddətli antibiotikoterapiya və hormonal preparatlar qəbul edən şəxslərdə profilaktik müalicə aparmaq lazımdır.
Göbələk infeksiyası nə qədər müddətə müalicə edilir? Təkrar xəstələnmə mümkündürmü? Düzgün müalicə dərinin və dırnaqların zərər görmüş sahəsi nəzərə alınaraq, yalnız dermatoveneroloq tərəfindən təyin edilir. Xəstəliyin müalicəsi uzun müddətdir. Dəri göbələyinin müalicəsi orta hesabla 14-21 gün davam edir və il ərzində xəstə dinamik müşahidə olunur. Dırnaq göbələyinin müalicəsi, zədələnmədən asılı olaraq 6-8 aya qədər davam edir. Xəstənin dinamik müşahidəsi isə 2 ilədək davam edə bilər. Göbələk infeksiyasına təkrar yoluxma halı mümkündür.
Yaddan çıxartmaq lazım deyil ki, göbələk xəstəliyi ilə zədələnmiş dırnaqlara malik insanlar ümumi ev əşyaları vasitəsilə, uşaqlar da daxil olmaqla, sevdikləri üçün təhlükə yaradırlar.
Materialda əks olunmus məlumatlar müxtəlif qaynaqlardan, o cümlədən elmi-populyar məqalələr, internet materialları, rəsmi hesabatlar və s. əldə olunmuş, ümumiləşdirilmiş, tərcümə edilmiş və sistemləşdirilmişdir.
Ölkədə şəkərli diabet xəstələrinin dərmanlarla təminatında ciddi problemlər var.
Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.
İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.
24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.
Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.