KİPRİK DEMODEKOZUNUN MÜALİCƏSİ

KİPRİK DEMODEKOZUNUN MÜALİCƏSİ
19 İyul 2019 16:37

KİPRİK DEMODEKOZUNUN MÜALİCƏSİ

Realpress.az Aptekonline.az-a istinadla bildirir ki,yay mövsümündə isti və təmiz hava, eləcə də vitaminlərlə zəngin təbii meyvə-tərəvəzlər sağlamlıq və yaxşı əhval-ruhiyyə ilə assosiasiya olunur. Lakin yay fəsli özünü bir çox ciddi,mövsümü xəstəliklərlə də biruzə verir.

Demodekoz nədir? Demodekoz xəstəliyini dərialı yaşayan demodeks gənələri törədir. Kiprik gənəsi bu xəstəliyin ikinci adıdır. ÜST göstərir ki, yer kürəsi əhalisinin təxminən 90%-i bu parazitin daşıyıcısıdır. İnsanlarda demodekoz xəstəliyinə ən çox üz dərisində, alın, göz qabaqları ətrafında, başın tüklü nahiyəsində, kipriklərdə və qaşlarda rast gəlinir.

Kiprik demodekozu parazitar bir xəstəlikdir. Onun törədicisi gənədir (demodeks). Hazırda bu gənələrin 65 müxtəlif növü vardır. Bu dərilatı gənələrin 2 növü Demodex folliculorum və Demodex brevis yalnız insanda parazitlik edir. Demodex folliculorum insanda saç folikullarında,  piy vəzlərində, kipriklərin meybom piy vəzilərində parazitlik edir. Gənə olduqca kiçik ölçüyə malikdir, tük folikullarında və piy vəzilərində çoxalır, ölmüş dəri hüceyrələri ilə qidalanır, insan orqanizmdən xaric çoxalması dayanır.

Yaranma səbəbləri. Xəstəliyin yaranmasına aşağıdakı səbəblər  təsir göstərir: ahıl dövrü, həzm sisteminin xroniki xəstəlikləri, metabolik xəstəliklər, immunitetin aşağı düşməsi, güclü stress, iqlim dəyişikliyi, kortikosteroidlərin uzunmüddətli istifadəsi.

Demodekozun simptomları. Demodekoz tək üz dərisində deyil, başın tüklü nahiyəsində, kipriklərdə və qaşlarda da ola bilər. Bu zaman saçlar, kipriklər və qaşlar tökülür, dəri qızarır, qaşınır. Bəzi hallarda tək kipriklərin deyil, həmçinin konyunktivanın zədələnməsi qeydə alınır. Bu zaman artıq demodekoz blefarokonyunktivit haqqında danışılır. Belə halda yuxarıda göstərilən simptomlara gözlərdə yorğunluq, qaşınma, şişkinlik, göz qapağı kənarlarının qızarması, kipriklərin, qaşların tökülməsi, kəpəklənməsi, kipriklərin bir-birinə yapışması və quruyaraq sarı rəngli qabıqların əmələ gəlməsi kimi əlamətlər əlavə olunur. Bu sadalanan əlamətlər səhərlər daha çox özünü göstərir.

Kiprik gənəsinin müalicə yolları. İlk növbədə infeksiyanı dayandırmaq lazımdır. Terapiya zamanı bütün hərəkətlər əsas patologiyanın aradan qaldırılmasına yönəlməlidir. Eyni zamanda  metabolizmin yaxşılaşdırılmasına, immun sisteminin gücləndirilməsinə və hormonal xəstəliklərin yaratdığı təsirlərin aradan qaldırılmasına kömək edəcək dərmanlar təyin olunmalıdır. Müalicə zamanı vitamin komplekslərinin qəbulu effektiv sayılır. Müalicə zamanı göz qapaqlarının dərisində iltihablanma prosesini aradan qaldırmaq üçün preparatlar təyin olunur. Bundan əlavə pəhriz və şəxsi gigiyenaya da riayət olunmalıdır. Həmçinin mədə-bağırsaq traktını yaxşılaşdıran xüsusi preparatlar təyin edilir.

Materialda əks olunmus məlumatlar müxtəlif qaynaqlardan, o cümlədən elmi-populyar məqalələr, internet materialları, rəsmi hesabatlar və s. əldə olunmuş, ümumiləşdirilmiş, tərcümə edilmiş və sistemləşdirilmişdir. Materiallardan istifadə olunduqda www.aptekonline.az saytına istinad olunma mütləqdir.


8 Dek 2021
Səhiyyə - Sağlamlıq

Şəkərli diabet xəstələrinə verilən insulinlərin miqdarı azaldılıb? - AÇIQLAMA

Ölkədə şəkərli diabet xəstələrinin dərmanlarla təminatında ciddi problemlər var.

6 Dek 2021
Səhiyyə - Sağlamlıq

Qanda hemoqlobini artırmaq üçün vasitələr açıqlandı

Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.

3 Dek 2021
Səhiyyə - Sağlamlıq

Qəhvənin gözlər üçün gözlənilməz faydası açıqlanıb

İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.

20 May 2021
Səhiyyə - Sağlamlıq

Dəri xərçənginin qarşısını almaq mümkündür!

24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.   

3 May 2021
Səhiyyə - Sağlamlıq

Hamiləlik - sağlam başlanğıcın təməli

Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.