TEZ-TEZ XƏSTƏLƏNƏN UŞAQLAR VƏ BÖYÜKLƏR
Realpress.az Aptekonline.az-a istinadla bildirir ki, tez-tez xəstələnən uşaqlar və böyüklər heç də az rast gəlinən vəziyyət deyildir. Bu cür xəstəliklərin yaranmasında hər zaman “viruslar”günahkar deyildir, hərçənd bizə tanış olan Kəskin Respirator Virus İnfeksiyalarını (KRVİ) onlar törədir.
“İmmunitetin çatışmazlığı”nın əsas əlamətləri. Əgər Sizdə bu əlamətlərdən biri və ya bir neçəsi varsa: son zamanlar (son il ərzində) soyuqdəymə hallarının sayı artıb; 2 dəfədən çox antibiotik kursu aparılıb; 3 dəfədən çox bakterial sinusit olub və ya xroniki sinusit var; tez-tez ressidiv verən herpes qeydə alınır; xroniki bronxitin tez-tez kəskinləşməsi; dəri və dərialtı toxumanın bakterial infeksiyaları, dəri və selikli qişaların göbələk infeksiyaları müşahidə olunur; 2 dəfə pnevmoniya keçirmə halları qeydə alınıb; 4 dəfədən çox gözün infeksion xəstəlikləri olub; banal infeksiyanın başlanması əsassız ağırlaşmalara gətirib çıxarır bu, “immunitetin çatışmazlığı”na işarə ola bilər.
Tez-tez xəstələnmənin əsas cəhəti “təkrar”lardır. Məhz “təkrar”lar immunitetin işində problemlərin olduğuna dəlalət edə bilər. Tez-tez xəstələnən uşaqlar KRX-in təkrarlanma epizodlarının tezliyinə görə aşağıdakı qruplara bölünür. Bir yaşadək uşaqlarda – 4 və artıq, 1-3 yaşlı uşaqlarda – 6 və artıq, 4-5 yaşlı uşaqlarda – 5 və artıq, 5 yaşdan yuxarı uşaqlarda – 4 və artıq. Həkimlər il ərzində uşaqlarda 6, böyüklərdə isə 2-3 dəfə xəstələnməni normal sayır.
Tez-tez xəstələnmənin profilaktikası. İlk öncə normal immunitetin saxlanması üçün həyat tərzinin dəyişdirilməsinə, orqanizmin tam müayinəsinə və immun zəifliyin səbəblərinin aşkarlanmasına, bu vəziyyətin korreksiya olunması üçün həkim tərəfindən müvafiq sağlamlaşdırıcı prosedurların aparılmasına yönəldilməlidir. Müxtəlif və dəyərli qida rasionuna nəzarət edilməlidir. İlin istənilən vaxtı qida balanslaşdırılmış olmalı, özündə əsas qida maddələri, mikroelementlər və vitaminlər saxlamalıdır. Gündəlik süd məhsullarından istifadə edilməlidir. Yarımfabrikatlardan uzaq olmaq lazımdır.
Tez-tez xəstələnən uşağın ideal istirahəti aşağıdakı kimi olmalıdır (hər bir söz vacibdir): kənddə yay; yanında qum olan və quyu suyu ilə doldurulmuş hava basseyni; geyim forması – ayaqyalın və təkcə alt paltarında; sabundan bacardıqca az istifadə; yalnız “Ana, mən acından ölürəm!” deyə qışqırdıqda qidalandırma. Paltarsız, kirli-kirli sudan quma tullanan, özü yemək tələb edən, təmiz hava ilə nəfəs alan və çox insanla kontakda olmayan uşaq şəhər mühitində zədələnmiş immunitetini 3-4 həftə ərzində bərpa edir.
İmmunprofilaktika olaraq bir sıra KRVİ törədicilərinə qarşı müvafiq vaksinlərdən istifadəni göstərmək olar, çox təəssüf ki, əsas törədicilərə qarşı spesifik vaksin yoxdur. Buna görə də respirator xəstələnmələrin aşağı salınması üçün bir sıra vasitələr istifadə olunmaqdadır. Bura bitki mənşəli preparatlar, beta-qlükanlar, vitaminlər, homeopatik preparatlar və s. aiddir.
Materialda əks olunmus məlumatlar müxtəlif qaynaqlardan, o cümlədən elmi-populyar məqalələr, internet materialları, rəsmi hesabatlar və s. əldə olunmuş, ümumiləşdirilmiş, tərcümə edilmiş və sistemləşdirilmişdir. Materiallardan istifadə olunduqda www.aptekonline.az saytına istinad olunma mütləqdir.
Ölkədə şəkərli diabet xəstələrinin dərmanlarla təminatında ciddi problemlər var.
Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.
İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.
24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.
Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.