UFC döyüşçüsü Konor Makqreqor UFC çempionu Həbib Nurməhəmmədova əsla qalib gələ bilməz. Bununla belə, irland idmançı bu “döyüş”ə yenə də böyük auditoriya toplaya bilər.
“Low Kick MMA” xəbər verir ki, bu fikirləri boks üzrə ağır çəki kateqoriyasındakı keçmiş dünya çempionu Mayk Tayson səsləndirib.
“Hesab edirəm ki, Makqreqor reklam sahəsi üzrə bir dahidir. Həbib ona qalib gəlsə də, onlar yenidən döyüşmək arzusundadırlar! İnsanlar da yenidən onların döyüşünü görmək istəyirlər. Bununla belə, Makqreqor Həbibə qalib gələ bilməyəcək, ümumiyyətlə, heç vaxt ondan üstün ola bilməyəcək. Amma insanlar hər şeyə rəğmən, bu döyüşə pul xərcləməyə hazırdırlar. Makqreqor dahidir, bu bacarığı isə ondan almaq qeyri-mümkündür”, - M.Tayson deyib.
Sabiq boksçu düşünür ki, K.Makqreqorla döyüş H.Nurməhəmmədov üçün məna kəsb edir, çünki rusiyalı idmançı daha zəif idmançı ilə qarşılaşmaya görə daha çox pul alacaq, nəinki özü ilə bərabər gücdə olan rəqiblə.
Realpress.az
İdman gimnastikası üzrə Azərbaycan milli komandasının üzvləri Qətərin paytaxtı Dohada keçirilən Dünya Kubokunda final mərhələsinə vəsiqə qazanıblar.
Azərbaycanın gənclər və idman naziri Fərid Qayıbov ABŞ-də fəaliyyət göstərən və təhsil alan azərbaycanlı idmançılar və tələbələrlə görüşüb.
Kişi voleybolçular arasında Azərbaycan çempionatının Yüksək Liqasında yarımfinal mərhələsinin növbəti oyunu keçirilib.
