“Samsung Galaxy A90 5G” smartfonu qabaqcıl prosessorla təchiz ediləcək

“Samsung Galaxy A90 5G” smartfonu qabaqcıl prosessorla təchiz ediləcək
11 İyul 2019 12:51

"Geekbench" saytında indiyədək nümayiş olunmayan "Samsung Galaxy A90" smartfonunun sınaqlarının nəticələri dərc edilib. Bunun sayəsində qurğunun bir sıra texniki xüsusiyyətləri barədə məlumat əldə etmək mümkün olub.
 
"ICTnews" Elektron Xəbər Xidməti "4PDA www.4pda.ru" resursuna istinadən yazır ki, məlumata görə, "Galaxy A90" modeli "4G" və "5G" versiyalarında təqdim ediləcək. Saytda beşinci nəsil mobil rabitə şəbəkəsini (5G) dəstəkləyən variant test edilib. Smartfona qabaqcıl "Snapdragon 855" prosessoru və 6 giqabaytlıq operativ yaddaş quraşdırılıb. Qurğu birnüvəli testdə 3458 bal, çoxnüvəlidə isə 10 852 bal toplayıb. Bu nəticə 2019-cu ilin ən yaxşı "Android" sistemli smartfonları ilə müqayisə edilə bilər.
 
Bundan başqa, Cənubi Koreyada "Galaxy A90" modeli üçün 4580 milliamper/saat tutumlu akkumulyator sertifikasiyadan keçib. Lakin hazırda onun smartfonun hansı versiyası üçün nəzərdə tutulduğu məlum deyil.
 
Bildirilir ki, "Galaxy A90" smartfonu "Full HD+" təsvir ölçülü 6,7 düym diaqonallı ekran və 8, 12 və 5 meqapiksel modullu 3 kamera ilə təchiz ediləcək.
 
"Samsung Galaxy A90 5G" smartfonunun təqdimat tarixi və qiyməti hələ ki açıqlanmayıb.

Realpress.az


14 Sent 2019
İT

Polşa 2024-cü ilədək kibernetika qoşunları yaradacaq

Polşanın Milli Müdafiə Nazirliyi 2024-cü ilədək rəqəmli məkanda ölkənin təhlükəsizliyinin təmin edilməsinə cavabdeh olacaq kibernetika qoşunları yaratmaq niyyətindədir. Bu haqda Polşanın müdafiə naziri Mariuş Blaşak deyib. Onun sözlərinə görə, yeni hərbi strukturun tərkibinə təxminən 2000 nəfər daxil ediləcək. 

14 Sent 2019
İT

“Microsoft” korporasiyası oktyabrın 2-də böyük tədbir keçirəcək

"Microsoft" korporasiyası jurnalistlərə oktyabrın 2-də Nyu-Yorkda keçiriləcək tədbirinə dəvət məktubu göndərməyə başlayıb.

13 Sent 2019
İT

Astronavtlar tarixdə ilk dəfə kosmos şəraitində sement hazırlayıblar

Beynəlxalq Kosmik Stansiyanın bortunda olan alimlər komandası tarixdə ilk dəfə çəkisizlik şəraitində sement hazırlayıblar. Təcrübənin məqsədi gələcək kosmik missiyalar zamanı başqa planetlərdə ev qurmaq üçün tikinti materialı istehsalının imkanlarını qiymətləndirməkdir.  

13 Sent 2019
İT

Yeni dron döyüş meydanına yüklər çatdıracaq

"Yates Electrospace Corporation" şirkəti "Silent Arrow GD-2000" yük pilotsuz uçuş aparatını təqdim edib. Bu, əksər kiçik yük çatdıran dronlardan fərqli olaraq 740 kq yükqaldırma qabiliyyətinə malik böyük aparatdır. Onun yük çatdırma sxemi də qeyri-adidir: "Silent Arrow" yükü təyyarə və ya vertolyotdan atdıqdan sonra dörd qanadını açaraq təyinat yerinə enməyə başlayır.

13 Sent 2019
İT

“Instagram”da ciddi boşluq aradan qaldırılıb

“Facebook” şirkətinin mütəxəssisləri “Instagram”da cinayətkarların adlar, telefon nömrələri və hesab nömrələri daxil olmaqla istifadəçilərin məlumatına müdaxilə etməsinə imkan verə bilən ciddi boşluğu aradan qaldırıb.