Bu il dünya İT bazarında durğunluq gözlənilir

Bu il dünya İT bazarında durğunluq gözlənilir
10 İyul 2019 15:14

“Gartner” şirkəti cari il üçün dünya informasiya texnologiyaları (İT) bazarı üzrə proqnoz açıqlayıb.

“ICTnews” Elektron Xəbər Xidməti “Servernews www.servernews.ru” resursuna istinadən yazır ki, qiymətləndirməyə görə, 2018-ci ildə İT sahəsində qlobal xərclər təxminən 3,72 trilyon dollar təşkil edib ki, bu da 2017-ci ilin nəticəsindən 5,1 faiz çoxdur.
 
2019-cu ildə dünya İT bazarında durğunluq gözlənilir. Şirkət analitiklərinin fikrincə, xərclərin 0,6 faiz artması nəticəsində sahə 3,74 trilyon dollarlıq nəticə nümayiş etdirəcək.
 
Bu il xərclərin ümumi həcmində məlumat emalı mərkəzləri üçün sistemlərin payı 203 milyard dollar təşkil edəcək. Korporativ sinfə aid proqram təminatı 457 milyard dollar məbləğində qazanc gətirəcək. Avadanlıqlar seqmentində xərclər 682 milyard dollar səviyyəsində proqnozlaşdırılır.
 
İnformasiya texnologiyaları sahəsində müxtəlif servislərin gəliri 1,03 trilyon dollara bərabər olacaq. 1,37 trilyon dollar dünya İT bazarının ən böyük seqmenti olaraq qalacaq kommunikasiya servisləri sektorunun payına düşəcək.
 
“Gartner” analitiklərinin qənaətinə görə, 2020-ci ildə İT sahəsində qlobal miqyasda xərclər 3,7 faiz artaraq 3,88 trilyon dollara çatacaq.
 

Realpress.az


19 Apr 2021
İT

Vətəndaşlar “ƏDV geri al” layihəsindən nə qədər vəsait əldə edib? - RƏSMİ

“ƏDV geri al” layihəsi çərçivəsində istehlakçılara 60,2 milyon manat geri qaytarılıb.

19 Apr 2021
İT

Evdən distant təhsilin təşkili üçün 5 faydalı məsləhət

Pandemiya şəraiti, gedişli-gəlişli karantin və bütün bunların fonunda təhsilini davam etdirməyə çalışan minlərlə şagird və tələbə...

4 Mar 2021
İT

“WhatsApp”dan şad xəbər: İstifadəçilər üçün çox vacib funksiya işə salınır

“WhatsApp” messencerinin kompüter versiyası üçün artıq səsli və video zənglər əlçatandır.

23 Fev 2021
İT

Qarabağın bərpasında “rəqəmsal nəslin” rolu

Uzun illər boyu regionların inkişafı və abadlaşdırılması sənayeləşmə və aqrar sektorun inkişafı ilə bağlı idi. Ötən yüzillik inkişaf istiqamətlərinin siyahısına xidmət sahəsini, xüsusilə turizm sektorunu da əlavə etdi. Bu üç istiqamət uzun müddətdir ki, regionların inkişaf etdirilməsində ideal vasitələr kimi qəbul olunurdu. Lakin, son illərdə müasir cəmiyyət rəqəmsal texnologiyaların təsiri altında sürətlə dəyişir və bu tamamilə yeni reallıqlar formalaşdırır. 

28 Yan 2021
İT

“WhatsApp”da yeni virus yayılır

Milyonlarla istifadəçisi olan “WhatsApp” messenceri vasitəsilə yeni virus yayılır.