Azərbaycanda "PostPay" elektron pul kisəsi istifadəyə veriləcək

Azərbaycanda "PostPay" elektron pul kisəsi istifadəyə veriləcək
10 İyul 2019 13:21

Nəqliyyat, Rabitə və Yüksək Texnologiyalar Nazirliyinin iki qurumu - "Azərpoçt” MMC və Məlumat Hesablama Mərkəzi birlikdə "PostPay” elektron pul kisəsi layihəsinə imza atıb.
 
Artıq tərəflər arasında imzalanmış müqavilədə "PostPay” elektron ödəniş sisteminin, o cümlədən elektron pul kisəsinin hazırlanması, fiziki və virtual daşıyıcılara yerləşdirilməsi, təhlükəsizlik tədbirlərinin görülməsi, həmçinin sonrakı mərhələdə texniki dəstəyin göstərilməsi məsələləri razılaşdırılıb.
 
Geniş fəaliyyət istiqamətləri və böyük təcrübəyə malik bu iki qurumun bu layihəsi vətəndaşlara bir çox xidmətləri daha əlçatan edəcək.
 
"PostPay”in digər elektron pul kisələrindən əsas fərqi poçt filialları və məntəqələrində həm balans artırma, həm də nağdlaşdırma əməliyyatlarından istifadəyə imkan yaratmasıdır. Vətəndaşlar kommunal, mobil və digər xidmət haqlarının ödənilməsi imkanından əlavə "PostPay” vasitəsilə heç yerə getmədən ucqar kəndlərə belə pul göndərmək imkanı əldə edəcəklər.
 
PostPay”də istifadəçilərin rahatlığı, həmçinin müasir ödəmə funksiyalarından istifadənin təmin edilməsi məqsədilə QR kodla ödəmə imkanı təqdim ediləcək. Belə ki, mağazalarda və ya xarici internet saytlarında alış-veriş edən "PostPay” istifadəçiləri tətbiqin "QR kod vasitəsilə ödəmə” funksiyasını seçərək ödəmələrini asanlıqla həyata keçirə biləcəklər.
 
İlk olaraq "PostPay” elektron pul kisəsi "Android” əməliyyat sistemi ilə çalışan qurğulara uyğunlaşdırılacaq. Yaxın gələcəkdə digər əməliyyat sistemləri ilə işləyən qurğu sahibləri "PostPay”dən faydalana biləcəklər.

Realpress.az


16 Okt 2019
İT

“Google” şirkəti USB daşıyıcı formasında olan təhlükəsizlik açarı təqdim edib

“Google” şirkəti USB daşıyıcı formasında hazırlanmış miniatür təhlükəsizlik açarını təqdim edib. “Titan Security Key” modeli “Yubico” şirkəti ilə birgə hazırlanıb.

16 Okt 2019
İT

“Adobe” məhsullarında 80-dən çox boşluq aradan qaldırılıb

"Adobe" şirkəti "Acrobat" və "Acrobat Reader", "Experience Manager" və "Download Manager" məhsullarında mövcud olan 82 boşluğu aradan qaldırıb.

16 Okt 2019
İT

Smartfonun yüksək iş qabiliyyətini qoruyan sadə üsul açıqlanıb

İstifadəçilər pis keyfiyyətli fotoşəkillərə görə smartfonun yaddaş tutumunun 20 faizini itirirlər. Qurğunun məhsuldarlığını belə şəkilləri silməklə artırmaq mümkündür. Bu barədə “Avast” şirkətinin tədqiqatında deyilir.

16 Okt 2019
İT

Bakıda və Abşeron yarımadası ərazisində rəqəmli radionun test yayımı uğurla nəticələnib

Azərbaycan Respublikası Nəqliyyat, Rabitə və Yüksək Texnologiyalar Nazirliyinin “Radio-Televiziya Yayımı və Peyk Rabitəsi” İstehsalat Birliyi tərəfindən ölkə ərazisində ilk dəfə Bakı şəhəri və Abşeron yarımadası ərazisində Avropanın DAB+ (Digital Audio Broadcasting) standartı ilə rəqəmli radionun test yayımı həyata keçirilib.

16 Okt 2019
İT

“Windows 7” sisteminə edilmiş kiberhücumların sayı 71%-dən çox artıb

Məlum olduğu kimi, “Microsoft” şirkəti bir neçə ay sonra “Windows 7” əməliyyat sisteminin dəstəyini dayandıracaq, bu sistem üçün sonuncu yeniləmə 2020-ci il yanvarın 14-də çıxarılacaq. “Webroot” şirkətindən olan tədqiqatçıların sözlərinə görə, 2018-ci illə müqayisədə “Windows 7” sisteminə edilmiş kiberhücumların sayı 71% artıb. Ümumilikdə “Windows 7” əməliyyat sistemindən istifadə edən kompüterlər “Windows 10” sistemi ilə işləyən kompüterlərlə müqayisədə 2 dəfə daha çox hücuma məruz qalır.