Bakıda kişi arvadını qısqandığı üçün güllələdi - Özünü də öldürmək istədi

Bakıda kişi arvadını qısqandığı üçün güllələdi - Özünü də öldürmək istədi
03 İyun 2019 16:06


Bakıda kişi həyat yoldaşını güllələdikdən sonra özünə atəş açıb. 

Bununla bağlı Realpress.az-a Suraxanı rayon Prokurorluğundan məlumat verilib. 

Hadisə iyunun 1-i axşam saatlarında Hövsan qəsəbəsində qeydə alınıb.

61 yaşlı Novruzov Zahid Balabəy oğlu ov tüfəngi ilə 55 yaşlı həyat yoldaşı Novruzova Təranə Yəhya qızının baş nahiyəsindən atəş açaraq öldürüb. Daha sonra kişi özünə atəş açaraq, intihar etmək istəyib. Ancaq Z.Novruzov sağ qalıb və hazırda xəstəxanadadır. 

İlkin ehtimallara görə, kişi qadını qısqanclıq zəminində qətlə yetirib. Qətli törətməzdən əvvəl Z.Novruzov spirtli içki qəbul edibmiş. 

Faktla bağlı rayon prokurorluğunda cinayət işi başlanıb. 

Qeyd edək ki, Nəsimi rayonunda həmin gün bıçaqlanma hadisəsi qeydə alınıb. Bununla bağlı realpress.az-a Nəsimi rayon Polis İdarəsindən məlumat verilib. 

Hadisə 18:30-da Cavadxan küçəsində baş verib. Xırdalan sakini 32 yaşlı İsmayılov Eldar Əlisa oğluna doqquz bıçaq zərbəsi vurulub, onlardan biri daxilə nüfuz edib. Həmin şəxs ağır vəziyyətdə Kliniki Tibbi Mərkəzə yerləşdirilib. 

19-cu Polis Bölməsinin apardığı araşdırma zamanı hadisənin 51 yaşlı Əliyev Elvin Nəsir oğlu tərəfindən törədildiyi müəyyənləşib. Hazırda onun saxlanılması ilə bağlı əməliyyat aparılır. 


31 May 2020
Kriminal

DİN: Ruslan Əmirov polisə tabe olmadığına görə həbs edilib

Daxili İşlər Nazirliyi (DİN) AXCP fəalı Ruslan Əmirovun həbsi ilə bağlı məlumat yayıb.

28 May 2020
Kriminal

Baş Prokurorluq Gəncədəki qətllə bağlı məlumat yaydı

Gəncə şəhər prokurorluq və polis əməkdaşları tərəfindən həyata keçirilmiş təxirəsalınmaz istintaq-əməliyyat tədbirləri nəticəsində mayın 26-da şəhər sakini Asim Yusubovu qəsdən öldürməkdə şübhəli bilinən tanışı, əvvəllər məhkum olunmuş, 1960-cı il təvəllüdlü İlham Məmmədov tutularaq istintaqa cəlb olunub.

27 May 2020
Kriminal

Prokurorluq “Jurnalistlər Binası” ilə bağlı araşdırmaya başlayıb

Jurnalistlər üçün nəzərdə tutulan mənzillərin ədalətsiz bölgüsü ilə bağlı Prezident İlham Əliyevə müraciət edən bir qrup media işçisi Baş Prokuror yanında Korrupsiyaya Qarşı Mübarizə İdarəsinə çağırılıb. 

16 May 2020
Kriminal

“The Times-Azerbaijan” şirkətinin direktoru həbs edildi

Keçirilən əməliyyat-axtarış tədbirləri nəticəsində Bakı şəhəri Xətai Rayon Polis İdarəsinin əməkdaşları dələduzluqda ittiham edilən “The Times-Azerbaijan” şirkətinin direktoru Ceyhun Hacıyevi saxlayıblar.

16 May 2020
Kriminal

DİN: Bərdədə polisə müqavimət göstərən 14 nəfər saxlanılıb

Bu gün Bərdə rayonunun Qaradırnaq kəndinin bir qrup sakini heyvanlarını otarmaq üçün onlara örüş sahəsinin ayrılması tələbi ilə toplaşıblar.