Kiyevdə Heydər Əliyevin 96 illiyinə həsr olunmuş etno-caz festivalı keçirilib - FOTO

Kiyevdə Heydər Əliyevin 96 illiyinə həsr olunmuş etno-caz festivalı keçirilib - FOTO
13 May 2019 15:45

Ukraynanın paytaxtı Kiyevdə Heydər Əliyev adına istirahət parkında Ulu Öndərin anadan olmasının 96 illiyinə həsr olunmuş etno-caz festivalı keçirilib.

Realpress.az Trend-ə istinadən bildirir ki, Azərbaycanın Ukraynadakı səfirliyinin və Kiyev şəhər Dövlət Administrasiyasının təşkilatçılığı ilə keçirilən festivalda Azərbaycan və Ukraynanın tanınmış mədəniyyət və incəsənət xadimləri, Ukrayna Xarici İşlər Nazirliyinin, meriyanın rəsmiləri, Ukrayna Ali Radasının deputatları, xarici diplomatik korpus rəhbərləri, yerli media nümayəndələri və şəhər sakinləri iştirak ediblər. İlk öncə ölkəmizin Ukraynadakı səfiri Azər Xudiyev çıxış edərək ümummilli lider Heydər Əliyevin tarixi xidmətlərindən danışıb.

Azərbaycanla Ukrayna arasında iqtisadi, siyasi, elmi və mədəni əlaqələrin möhkəm əsaslar üzərində qurulmasında ümummilli lider Heydər Əliyevin misilsiz rolu olduğunu vurğulayan səfir yerli sakinlərin və xarici turistlərin zövqünü oxşayan istirahət parkında Ulu Öndərin xatirəsinə həsr olunmuş etno-caz musiqi festivalının unudulmaz anlar yaşadacağını qeyd edib.

Tədbirdə çıxış edən Ukrayna Caz Assosiasiyasının rəhbəri Sergey Qrabar Azərbaycanın tarixin bütün dönəmlərində dünyanın musiqi xəzinəsinə bəxş etdiyi dəyərli töhfələrdən danışıb. Paytaxt Kiyev şəhərində Azərbaycanla Ukraynanın tanınmış cazmenlərinin iştirakı ilə musiqi festivalının ənənəvi hal almasına görə Azərbaycanın Ukraynadakı səfirliyinə minnətdarlığını bildirib.

Sonra Fransada yaşayan azərbaycanlı caz ifaçı, bəstəkar və pianoçu Etibar Əsədlinin və tanınmış tarzən Şəhriyar İmanovun birgə ifası musiqisevərlərə duyğulu anlar yaşadıb.

Açıq səma altında keçirilən festivalda E.Əsədli və Ş.İmanovun birgə caz kompozisiyası dinləyicilərin böyük rəğbətinə səbəb olub.

Daha sonra Ukraynanın məşhur "Z-Band" qrupunun ifasında maraqlı caz kompozisiyası iştirakçıların yaddaşında böyük iz buraxıb.


25 May 2020
Mədəniyyət

Əbülfəs Qarayevin vəzifəsini kim icra edir? - AÇIQLAMA

“Bəzi kütləvi informasiya vasitələrində Mədəniyyət nazirinin səlahiyyətlərinin nazirin birinci müavininə həvalə olunması barədə yayılan xəbərlər həqiqəti əks etdirmir”

21 May 2020
Mədəniyyət

Vladimir Putin Çingiz Abdullayevi təltif etdi

Rusiya Prezidenti Vladimir Putin Azərbaycan Yazıçılar Birliyinin katibi, detektiv romanların müəllifi Çingiz Abdullayevin “Dostluq” ordeni ilə təltif edilməsi haqqında sərəncam imzalayıb.

15 May 2020
Mədəniyyət

Polad Bülbüloğlunun qardaşı vəfat etdi

Azərbaycan professional vokal sənətinin banisi, görkəmli opera müğənnisi Bülbülün böyük oğlu Çingiz Məmmədov vəfat edib.

3 May 2020
Mədəniyyət

Polad Bülbüloğlu Moskvada “Dostlar üçün axşam” yubileyinə dəvət edir - VİDEO

İctimaiyyətin sevimlisi, SSRİ və Azərbaycanın görkəmli estrada müğənnisi və bəstəkarı Polad Bülbüloğlu pərəstişkarlarını Moskvada bir araya toplayacaq.

23 Mar 2020
Mədəniyyət

Əbülfəs Qarayev: Virtual layihələr də artıq hər kəs üçün əlçatandır

 nazir müraciətində bildirib ki, bu günlər dünyanı cənginə almış koronavirus (COVİD-19) infeksiyası ilə bağlı, bir çox ölkələrdə olduğu kimi, Azərbaycanda da həyati önəm kəsb edən addımlar atılır.