Bakı Avtovağzalında yeni nəqliyyat qovşağı istifadəyə verildi - Biletləri necə almalı?

Bakı Avtovağzalında yeni nəqliyyat qovşağı istifadəyə verildi - Biletləri necə almalı?
15 Apr 2019 13:06

Ölkəmizə səfər edən turistlərin, eləcə də regionlardan paytaxta gələn vətəndaşların təhlükəsizliyini və rahatlığını təmin etmək, avtobusların, minik avtomobillərinin hərəkətini nizamlamaq məqsədi ilə Bakı Beynəlxalq Avtovağzal Kompleksinin (BBAK) ərazisində Nəqliyyat qovşağı istifadəyə verilib.

BBAK-dan Realpress.az-a verilən məlumata görə, Nəqliyyat qovşağı 50 000 kv.m ərazini əhatə edir. 8500 kv.m ərazidə yaşıllaşdırma və abadlıq işləri aparılaraq 2000-dən çox ağac əkilib. 

 

Ərazidə 93 nömrədən ibarət beşmərtəbəli "Baku Crossway Hotel"i və yenidən təmir olunaraq istifadəyə verilən ikimərtəbəli hostel fəaliyyət göstərir.

Qovşaqda minik avtomobilləri, beynəlxalq, müntəzəm və qeyri-müntəzəm ictimai nəqliyyat vasitələri əhalinin rahatlığı məqsədi ilə vahid məkanda yerləşdirilib.

Kompleksdə dispetçer və bilet satış məntəqəsi, gözləmə zalları, müasir standartlara cavab verən ictimai-iaşə obyektləri, telekommunikasiya, poçt xidmətləri ilə yanaşı, maliyyə, eləcə də aviabilet satışı və turizm xidmətləri göstərən yeni "Şəbəkə" xidmət mərkəzi fəaliyyət göstərir. 

Eyni zamanda, nəqliyyat və piyada axınları, avtonəqliyyat vasitələrinin giriş-çıxış yerləri bir-birindən ayrılıb. 

Artıq Sumqayıt avtostansiyası da qovşaq ərazisində fəaliyyət göstərir.

Nəqliyyat qovşağında Almaniyanın "SAP"şirkəti  ilə birgə həyata keçirilən  pilot layihə çərçivəsində "SAP" texnologiyalarının əsasında yaradılmış unikal sistem nəqliyyat vasitələrinin texniki statusunu, sürücülərin sağlamlıq durumunu, həmçinin, şəhərlərarası və beynəlxalq avtobusların salonundakıvəziyyəti müəyyən etməyə imkan verir. Sistem mərkəzdən idarə olunur və hər hansı nasazlıq baş verdikdə dispetçer tərəfindən dərhal reaksiya verilir.

"Cisco" şirkəti ilə reallaşdırılan "Ağıllı şəhər" pilot layihəsi isə yaxın gələcəkdə yerli və beynəlxalq daşımaların idarə olunmasının təkmilləşdirilməsi, nəqliyyat xidmətlərinin keyfiyyətinin daha da artırılması, o cümlədən təhlükəsizliyin yüksək səviyyədə təmin olunması üçün imkan yaradacaq.

Sərnişinlər biletləri BBAK-ın, "Silkway" turizm şirkətinin kassalarından və onlayn bilet satışı sistemi vasitəsi ilə "www.avtovagzal.az" saytından əldə edə bilərlər.

Bu istiqamətdə görülən işlərdən biri kimi, müasir bilet kassaları formalaşdırılıb.  Kassaların üzərində istiqaməti, istiqamət üzrə biletin qiyməti, perron, avtobusun dövlət qeydiyyat nişanı, avtobusun tutumu və mövcud olan boş yerlər haqda məlumatları əks etdirən monitorlar quraşdırılıb.




18 Yan 2021
Cəmiyyət

Evi icazəsiz tərk edən COVID-19 xəstələrinin sayı açıqlandı

Yaşadığı evi icazəsiz tərk edən koronavirus (COVID-19) xəstələrinin sayı açıqlanıb.

18 Yan 2021
Cəmiyyət

Köçkünlər üçün tikilmiş mənzillərin şəhid ailələrinə veriləcəyi vaxt açıqlandı - RƏSMİ

“Keçmiş köçkünlər üçün tikilmiş mənzillərin Prezident İlham Əliyevin göstərişi ilə şəhid ailələrinə verilməsi üçün həmin mənzillərin Nazirliyin balansına verilməsi prosesinin bitmək üzrədir”.

18 Yan 2021
Cəmiyyət

Vaksinasiya Strategiyasının əsas hədəfi AÇIQLANDI

“Azərbaycan Respublikasında COVID-19 xəstəliyi əleyhinə 2021-2022-ci illər üçün Vaksinasiya Strategiyası”nın əsas hədəfi açıqlanıb.

18 Yan 2021
Cəmiyyət

Anar Kərimov : “Sosial təminat növləri üzrə ödənişlərə beş milyard manatdan artıq vəsait yönəldilib”

“2020-ci ildə də sosial təminat növləri üzrə ödənişlərə əvvəlki ilə nisbətən 20 faiz və ya 1 milyard manat çox olmaqla  5 milyard 743 milyon manat, o cümlədən pensiya üzrə 20 faiz, prezident təqaüdü və müavinət üzrə 18 faiz, ünvanlı sosial yardım üzrə 41 faizdən çox vəsait yönəldilib”.

18 Yan 2021
Cəmiyyət

Müharibə əlillərinə və şəhidlərə 9 100-dən çox mənzil və fərdi ev, 7 200-dən çox avtomobil verilib

“Prezident İlham Əliyevin tapşırığına uyğun olaraq əsas sosial hədəflər möhtəşəm zəfərimizlə başa çatan Vətən müharibəsi şəhidlərinin ailələrinin, qazilərimizin sosial dəstəklə, yaralanmış hərbçilərin tibbi-sosial reabilitasiya xidmətləri, müasir protezlərlə təmin olunmasıdır”.