Bakıda piyadanı vurub qaçan sürücü tutuldu - YENİLƏNİB + FOTO

Bakıda piyadanı vurub qaçan sürücü tutuldu - YENİLƏNİB + FOTO
11 Fev 2019 11:19


Xətai rayonu, Zığ yolu küçəsində piyadanın ölümü ilə nəticələnən yol-nəqliyyat hadisəsi törədən sürücü Sunay Vəliyev “Laçın” Ticarət Mərkəzinin sahibi Məsud Vəliyevin oğludur.

Məsud Vəliyev 2015-ci ildə dünyasını dəyişib. M.Vəliyevin vəfatından sonra onun biznesinə oğlu rəhbərlik edir.

S.Vəliyev sosial şəbəkələrdə bahalı maşınlarının fotolarını yaymaqla tanınır.


10:52

Xətai rayonunun polis və prokurorluq əməkdaşları tərəfindən rayon ərazisində yol-nəqliyyat hadisəsi törədərək hadisə yerindən qaçmış sürücü tutularaq istintaqa cəlb edilib.

Bu barədə realpress.az-a Bakı şəhər Baş Polis İdarəsi və şəhər prokurorluğundan daxil olan birgə məlumatda deyilir.

Fevralın 9-da paytaxtın Xətai rayonu, Zığ yolu küçəsində 1980-cı il təvəllüdlü Sunay Vəliyevin idarə etdiyi  “Mercedes-Benz GLS” markalı, 99-VS-999 dövlət qeydiyyat nişanlı avtomobillə yolu keçmək istəyən piyada 1969-cu il təvəllüdlü Müşfiq Əliyevi vuraraq ölümünə səbəb olması və hadisə yerindən qaçması faktına görə rayon Polis İdarəsinin İstintaq Şöbəsində Cinayət Məcəlləsinin 263.2-ci (yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin ölümünə səbəb olduqda) və 264-cü (yol nəqliyyat hadisəsi yerindən qaçma) maddələri ilə cinayət işi başlanıb.

Aparılmış təxirəsalınmaz istintaq-əməliyyat tədbirləri nəticəsində S.Vəliyev fevralın 10-da şübhəli şəxs qismində tutularaq müdafiəçi ilə təmin edilməklə dindirilib.

Hazırda iş üzrə zəruri istintaq tədbirləri davam etdirilir.

10:04

Bakı-Quba yolunda piyadanın ölümü ilə nəticələnən yol-nəqliyyat hadisəsi baş verib. 

realpress.az-ın məlumatına görə, hadisə Bakı-Quba-Dağıstan sərhədi avtomobil yolunun Binəqədi rayonu ərazisindən keçən hissəsində qeydə alınıb.

Həmin yolda hərəkət edən naməlum avtomobil 50-55 yaşlı kişini vurub və hadisə yerindən qaçıb.

Piyada aldığı xəsarətlərdən hadisə yerində ölüb.

Faktla bağlı araşdırma aparılır.


20 Noy 2019
Cəmiyyət

Bu gün məktəblilərin payız tətili başa çatır

Bu gün Azərbaycanın orta məktəblərində payız tətili başa çatır.

20 Noy 2019
Cəmiyyət

Aeroport yolunda daha bir qəza: “Prado” “Opel”i belə vurdu - ANBAAN VİDEO

Aeroport yolunda daha bir qəza: “Prado” “Opel”i belə vurdu - ANBAAN VİDEO

20 Noy 2019
Cəmiyyət

Kirayə avtomobillərin sığorta problemi — VİDEO

Paytaxtda son bir neçə ildə avtomobil kirayəsi ilə məşğul olan firmaların sayı artıb.

20 Noy 2019
Cəmiyyət

Azərbaycanda müvəqqəti yaşamaq üçün icazənin verilməsi ilə bağlı yeni qərarın tətbiqinə başlanılıb

Azərbaycanda müvəqqəti yaşamaq üçün icazənin alınması (müddətinin uzadılması) üçün müraciətin və sənədlərin qəbulu ilə yeni qaydaların icrasına başlanılıb.