NRYTN-in dəstəyi ilə yaradılmış robotexnika laboratoriyası artıq öz faydasını verir

NRYTN-in dəstəyi ilə yaradılmış robotexnika laboratoriyası artıq öz faydasını verir
11 Fev 2019 10:50

Nəqliyyat, Rabitə və Yüksək Texnologiyalar Nazirliyinin dəstəyi və təşkilatçılığı ilə ötən il 23 nömrəli tam orta məktəbdə yaradılmış “Robopark” robotexnika laboratoriyasında təcrübə qazanan Xanzadə Sahib Zülfiqar oğlu “Sabahın alimləri” VIII Respublika müsabiqəsində iştirak edəcək.  
 
23 nömrəli tam orta məktəbin 9-cu sinif şagirdi olan Xanzadə Sahib sözügedən müsabiqəyə “Ağıllı eynək - Eyecare” adlı layihəsini təqdim edib.
 
Sözügedən layihə Elmi Ekspertiza Komissiyasının rəyi əsasında müsabiqəyə buraxılan layihələr sırasında yer alıb. 
 
Qeyd edək ki, “Robopark” robotexnika laboratoriyasında 7-9-cu sinif şagirdləri üçün informatika, proqramlaşdırma və robot texnikası üzrə dərnək şəkilində məşğələlər təşkil olunur, robotların yaradılması, onların idarə olunması üçün proqramlaşdırma sirləri öyrədilir. Məqsəd məktəblilərin müasir elmi-texniki biliklərinin, yüksək texnologiyalar sahəsinə marağın artırılması, robot texnika üzrə prototiplərin hazırlanması və eyni zamanda sınaqların keçirilməsinə imkan yaratmaqdır.
 
Göründüyü kimi, Nəqliyyat, Rabitə və Yüksək Texnologiyalar Nazirliyinin dəstəyi və təşkilatçılığı ilə belə bir laboratoriyanın yaradılması artıq öz faydasını verməkdədir.
 
Məlumat üçün bildirək ki, “Sabahın alimləri” müsabiqəsi Təhsil Nazirliyi, Gənclər və İdman Nazirliyi, Azərbaycan Milli Elmlər Akademiyası, Heydər Əliyev Mərkəzi, Azərbaycan Respublikası Prezidenti yanında Elmin İnkişafı Fondu və Azərbaycan Təhsil İşçiləri Azad Həmkarlar İttifaqı Respublika Komitəsinin təşkilatçılığı ilə 12-14 fevral tarixlərində keçiriləcək.
 
Müsabiqənin təşkilində məqsəd ümumi təhsil müəssisələrinin IX-XI siniflərində təhsil alan şagirdlərin elmi axtarışlara cəlb edilməsi, onların elmi və yaradıcılıq fəaliyyətinin stimullaşdırılması, elmi tədqiqat işinə meyli olan istedadlı şagirdlərin aşkar edilməsi, həmçinin yüksək elmi tədqiqat nəticələri əldə etmiş Azərbaycan məktəblilərinin seçilib ABŞ-da keçirilən İntel İSEF–Beynəlxalq Elm və Mühəndislik Sərgisinə  göndərilməsini təmin etməkdir.
 
Müsabiqə riyaziyyat, fizika, kimya, biologiya, tibb və sağlamlıq, ekologiya, mühəndislik, kompüter elmləri üzrə keçirilir.

Realpress.az


20 Noy 2019
İT

“Samsung” yeni qatlanan smartfonunu təqdim edib

“Samsung” şirkəti planlaşdırıldığı kimi, Çində “W20 5G” adlı ikinci qatlanan smartfonunu təqdim edib. Qurğu daha əvvəl təqdim edilmiş “Galaxy Fold” kimi eyni form-faktorunda hazırlanıb, lakin həm xarici, həm də texniki fərqlərə malikdir.

20 Noy 2019
İT

“Ağıllı” kart istehsalçısı fərdi informasiyanın mühafizəsi haqqında məlumat verib

Hər bir internet və müxtəlif proqram istifadəçiləri ilk növbədə özü fərdi məlumatlarının mühafizəsi haqqında düşünməli və son dərəcə diqqətli olmalıdır, hökumət və ya cəmiyyətin sizin üçün bunu edəcəyini düşünməyin. Bu haqda “XH Smart Tech” şirkətinin həmtəsisçisi Deniel Xu deyib.

20 Noy 2019
İT

İnternet istifadəçilərinin yoluxdurulmasının ən populyar üsulu müəyyənləşdirilib

İnternet istifadəçilərinin yoluxdurulmasının ən populyar üsulu elektron poçtla məktub göndərilməsi, daha dəqiq isə bərkidilmiş fayl şəklində olan arxivlərdir. Bu haqda “Group-IB” şirkətinin mətbuat xidmətindən məlumat verilib.

19 Noy 2019
İT

Smartfon və digər cihazların elastik ekranları üçün plastik şüşə hazırlanıb

Tampere Universitetinin fizikləri tərəfindən şüşəyə bənzər alüminium oksidindən hazırlanmış incə plyonkalar sıxılmaq, dartılıb uzadılmaq və əyilmək xüsusiyyətlərinə malikdir. Bu, gələcəkdə smartfonlar üçün möhkəm və elastik ekranlar hazırlamağa imkan verəcək. Amma araşdırmanın müəllifləri bildiriblər ki, hazırkı formada bu metod irihəcmli məmulatların hazırlanması üçün tətbiq edilə bilməz. Tədqiqat “Science” jurnalında dərc edilib.

19 Noy 2019
İT

“Xiaomi” ilk elektron kitab oxuducusunu təqdim edib

“MiReader” – “Android” mobil əməliyyat sistemi ilə işləyən və elektron mürəkkəb texnologiyasına əsaslanan displeyə malik elektron kitab oxuducusudur.