Ümid edirik ki, bizə soyuq qar gətirmisiniz, çünki sabahdan qar gözləyirik.
Realpress.az xəbər verir ki, bu sözlərlə “Şahdağ” Qapalı Səhmdar Cəmiyyətinin yeni sədri Rodderix Mark Leffler Bakıdan gələn jurnalistlərə müraciət edib.
R.Lefflerin sözlərinə görə, hazırda mərkəz sürüşmə zolaqlarının yaxşı vəziyyətdə qalması üçün istifadə edilir.
“Yerin səthi soyuq olduğundan süni qar üçün çəkilən məsrəflər az olsa da kompleks səbirsizliklə qar gözləyir. Qarşıya qoyulan əsas məqsəd Şahdağı əla bir əyləncə mərkəzinə çevirmək və daha çox turist cəlb etməkdir. Bunun üçün əyləncə mərkəzlərinin sayı və xidmət çeşidləri artırılacaq. Bunların fonunda keyfiyyət başlıca amil olaraq qalacaq.
Kompleksin müştəri potensialına gəlincə, hazırda turistlərin 50 faizi yerli, 50 faizi isə xarici turistlərdir. Xarici turistlərin sayında isə Gürcüstan və Rusiya öndədir.
Bu həftənin sonundan xarici turistlərin sayı artacaq və nəticədə yerli turistlərin sayı ilə balans yaranacaq. Əlbəttə xarici turist axınında artım gözləyirik”, - deyə Rodderix Mark Leffler bildirib.
Dövlət Turizm Agentliyinin mətbuat xidmətinin rəhbəri Kənan Quluzadənin sözlərinə görə, bu ilin 11 ayında Azərbaycana gələn turistlərin sayı altı faiz artıb:
“Turizm üzrə dövlət proqramına əsasən yaxın beş ildə Azərbaycana gələcək turistlərin sayı azı iki dəfə artacaq”.
K.Quluzadə Dövlət Turizm Agentliyinin tabeliyinə verilən 25 müəssisədə struktur islahatlarının aparıldığını vurğulayıb:
“Şahdağda da struktur dəyişikliyi oldu. Məqsədimiz dövlət büdcəsindən çəkilən məsrəfləri optimallaşdırmaqdır”.
İndoneziya aprel ayında bütün karantin tələblərini ləğv etmək niyyətindədir.
Yunanıstanda istirahətlə bağlı çəkilən yeni reklam sosial şəbəkə istifadəçilərini xeyli təəccübləndirib. Rolik Yunanıstanın milli turizm təşkilatı “Visit Greece” tərəfindən hazırlanıb.
Avstraliya koronavirus səbəbiylə iki ilə yaxındır bağlı saxladığı qapıları peyvənd olunmuş səyahətçilərin üzünə tamamilə açıb.
