Mən Azərbaycanda ilk italyan məşqçiyəm. Roberto Bordinlə müsahibə

Mən Azərbaycanda ilk italyan məşqçiyəm. Roberto Bordinlə müsahibə
02 Noy 2018 16:42


“Neftçi”nin baş məşqçisi Roberto Bordin realpress.az-a eksklüziv müsahibəsində cari mövsümlə bağlı planlarını bölüşüb və Avropa liqasındakı acı məğlubiyyətdən sonra komandanı necə kökləməsindən danışıb. 

- Çempionat bir müddət əvvəl başlasa da, artıq belə fikirlər səslənir ki, əsas mübarizə “Neftçi” və “Qarabağ” arasında olacaq. Bununla razısınızmı? 

- Xeyr, çünki hələ çox vaxt var. Əslində, düşünmürəm ki, çempionluq uğrunda təkcə “Neftçi” və “Qarabağ” mübarizə aparacaq. Bütün komandalar yüksək yerlər uğrunda mübarizə apara bilər. 

- Legionerlərdən bəziləri optimal formasını yığa bilməyib. Qış transfer pəncərəsi zamanı heyəti gücləndirməyi düşünürsünüz? Hansı mövqeləri gücləndirmək lazımdır?

- Hələ ki, bununla bağlı danışmaq tezdir. Hazırda komandanın və heyətin hazırlıq səviyyəsi məni sevindirir. Düşünürəm ki, dekabrda heyətin gücləndirilməsinə ehtiyac olub-olmaması ilə bağlı qərar verəcəyik. 

- “Neftçi” həmişə ambisiyalı klub olub, ancaq Avropa liqasında “Uypeşt”ə məğlubiyyət birmənalı qarşılanmadı. Siz öz futbolçularınızı ölkə çempionatı üçün necə köklədiniz? 

- Biz futbolçuların əhval-ruhiyyəsini qaldırmağa və komandada xoş atmosfer yaratmağa çalışdıq. 

- Siz Azərbaycan futbolunda ilk italyan mütəxəssissiniz. Necə düşünürsünüz, gələcəkdə sizin həmyerliləriniz Azərbaycanda karyerasını davam etdirə biləcək?

- Bu suala cavab vermək çətindir. Azərbaycan futbolundan başqa italyanın olacağını deyə bilmərəm, ancaq bu fakt əsasdır ki, mən birinciyəm. Axı, bundan sonra İtaliyada Azərbaycan haqqında daha çox danışacaqlar. 

- Premyer Liqada cəmi 8 komanda var. Bu fakt sizə hər hansı çətinlik törədirmi?

- Çempionatda daha çox komandanın iştirak etməsi yaxşı olardı, ancaq mövsümlərdə komandalar arasındakı 4 oyun Premyer Liqadakı komandaların sayını kompensasiya edir. 

- Siz Moldovanın “Şerif” klubunun baş məşqçisi olan zaman “Qarabağ”la qarşılaşmısınız və hər iki oyunun nəticəsinə görə məğlub olmusunuz. “Neftçi”nin baş məşqçisi kimi sizdə şəxsi revanş fikri yaranıbmı?

- Xeyr, bu barədə düşünməmişəm. İndi mənim bütün fikirlərim “Neftçi” ilə bağlıdır.

- Son vaxtlar ölkənin idman ictimaiyyəti Azərbaycan yığmasında “Neftçi”nin futbolçularının olmamasını müzakirə edir. Bu barədə nə deyə bilərsiniz. 

- Hamı yığmanın baş məşqçisinin qərarlarına hörmət etməlidir. Ancaq o, kimi dəvət etməyə qərar verir. Futbolçularımızın milliyə dəvət alması bizim üçün xoşdur. Bu, futbolçular üçün xeyirlidir. 

- “Neftçi”də əsas hədəfiniz nədir? Çempionluq, avrokuboklar və ya...?

- Bizim bir məqsədimiz var – hər qarşılaşmada yaxşı oynamaq və mövsümün sonuna qədər maksimum nəticəyə nail olmaq.


5 May 2020
Müsahibə

Həkim COVİD-19-a yoluxanlar barədə danışır: “Nəfəs darlığı və gözlərdə qorxu” - MÜSAHİBƏ

 Onlardan biri aprelin 15-dən 30-dək koronavirus infeksiyası olan pasiyentlərə xəstəliyi məğlub etməyə kömək edən neyrocərrah İsmayıl Qarayevdir.

27 Mar 2020
Müsahibə

Nyu-Yorkda koronavirusa yoluxan azərbaycanlı gənc: “Sağaldığım üçün çox xoşbəxtəm” - MÜSAHİBƏ

Bu gün ABŞ koronavirus xəstələrinin sayına görə birinci yerdədir. Xəstəlik ABŞ-ın 50 ştatının hamısına yayılıb.

19 Mar 2020
Müsahibə

Ölkəmizdə bu problemi yaşayanların 99 faizi qadınlardır - MÜSAHİBƏ

Son zamanlar dünyada, o cümlədən Azərbaycanda artıq çəkidən əziyyət çəkən insanlar ən radikal üsula əl ataraq, mədəkiçiltmə əməliyyatına gedirlər. Bəs bunun yan təsirləri, zərərli tərəfləri varmı?

19 Mar 2020
Müsahibə

“Bunu qiyamətin əlaməti saymaq...” – Hacı Şahin Həsənli ilə müsahibə

Məşədi Dadaş” məscidinin imamı, Qafqaz Müsəlmanları İdarəsinin səlahiyyətli nümayəndəsi Hacı Şahin Həsənli cavablandırıb: