Azərbaycanın üçqat Paralimpiya çempionu İlham Zəkiyev səmimi açıqlamaları ilə diqqət çəkib.
Milli.Az xəbər verir ki, idmançı həyatında yaşadığı ağır anlardan, övladları ilə bağlı arzusundan və tatamidə hiss etdiklərindən danışıb.
Zəkiyev bildirib ki, gözlərini açdığı ilk anda görmək istədiyi insanlar övladlarıdır. O, uşaqlarını indiyədək görə bilmədiyini də etiraf edib.
İdmançı həyatını dəyişən hadisəni xatırladaraq müharibə zamanı güllənin sol gicgahından daxil olub sağ tərəfdən çıxdığını deyib. Həmin vaxt valideynlərinə onun sağ qalacağına ümid etməmələri barədə xəbərdarlıq edildiyini bildirib.
İlham Zəkiyev qarşıya məqsəd qoyan insanın çətinliklərə baxmayaraq istəyinə çata biləcəyini vurğulayıb. O, tatamiyə çıxarkən keçirdiyi hissləri də maraqlı bənzətmə ilə ifadə edib:
" Mən hiss etdiyimi siz görə bilmirsiniz. Kimononu geyinib tatamiyə çıxanda özümü dənizdə balığın hiss etdiyi kimi hiss edirəm".
Azərbaycan təmsilçisi Selcan Mahsudova Çinin Nankin şəhərində keçirilən batut gimnastikası və tamblinq üzrə 39-cu dünya çempionatında qadınların fərdi proqramında finala vəsiqə qazanıb.
Noyabrın 9-10-da Abşeron Olimpiya İdman Kompleksində cüdo üzrə U-17 yeniyetmələr arasında Bakı şəhər birinciliyi təşkil olunacaq.
Birləşmiş Ərəb Əmirliklərinin paytaxtı Əbu-Dabidə keçirilən "Böyük Dəbilqə" turnirində Azərbaycan cüdoçuları uğurlu nəticələr əldə ediblər.