Türkiyənin bir çox ərazilərində, o cümlədən Mərkəzi Anadolu və İstanbulda leysan yağışlar və qasırğa ilə bağlı “sarı” xəbərdarlıq elan olunub.
Bu barədə “Haber 7” məlumat yayıb.
Türkiyənin Meteorologiya Baş İdarəsinin son proqnozlarına görə, bu gün Mərmərə (Ədirnə istisna olmaqla), Şərqi Aralıq dənizi, Mərkəzi Anadolunun şərqi, Orta Qara dənizin sahilyanı əraziləri, Şərqi Qara dəniz, Şərqi və Cənub-Şərqi Anadolu, eləcə də Muğla və Karaman ətrafında, İzmirin şimal rayonlarında, Antalyanın qərb və şərq rayonlarında, Tokatın şərqində leysan və göy gurultulu leysan yağışları yağacağı gözlənilir.
Yağıntıların İstanbul, Adana, Osmaniyə, Sinop, Ərzincan, Tunceli, Elazığ ətrafında, Kırklareli, Tekirdağ və Çanaqqalanın şərqində, Kocaelinin qərbində, Balıkəsir və Malatyanın şimalında, Hatayın qərbində, Kastamonunun şimal hissələrində, Rizenin şərq rayonlarında və Artvinin şimal hissələrində güclü olacağı proqnozlaşdırılır.
Küləyin Qara dənizin qərb hissəsi, Mərmərə və Şimali Egey sahillərində şimal istiqamətindən(50-70 km/saat), Şərqi Anadolunun cənub-şərqində isə cənub istiqamətlərdən güclü (40-60 km/saat) əsəcəyi gözlənilir.
Adana, Balıkəsir, Çanaqqala, Hatay, İstanbul, Kastamonu, Kırklareli, Kocaeli, Sinop, Tekirdağ və Osmaniyə üçün “sarı” kodlu xəbərdarlıq elan edilib.
Ölkə.az xəbər verir ki, avronun məzənnəsi 0,06% artaraq 1,9067 manat, Rusiya rublunun məzənnəsi 0,74% geriləyərək 100 rubl üçün 2,0299 manat, Türkiyə lirəsinin məzənnəsi dəyişməyərək 0,0344 manat təşkil edib.
Dünya əmtəə bazarlarında qiymətli metalların dəyərində artım qeydə alınıb. Həm qızıl, həm də gümüş üzrə fyuçerslərin qiyməti yüksələrək bazarda bahalaşma meylini nümayiş etdirib.
Pakistanın şimal-qərbində yerləşən Peşəvər şəhərində özəl məktəbin damının uçması nəticəsində azı 21 uşaq ölüb.
