Yeni Zelandiyanın paytaxtı Vellinqtonda son 15 ildə ilk dəfə qar yağıb.
Oxu.Az xəbər verir ki, bu barədə "The Guardian" məlumat yayıb.
Avqustun 4-də qar həm Şimal, həm də Cənub adalarında, o cümlədən Kraystçerç və Danidin şəhərlərində müşahidə olunub. Cənub adasındakı üç meteoroloji stansiyada havanın temperaturunun mənfi 9 dərəcəyədək düşdüyü qeydə alınıb.
Qar və buzlaşma səbəbindən ölkədə bir neçə avtomobil yolu bağlanıb, bir çox məktəbdə dərslər ləğv edilib.
Polis buzlu yollar səbəbindən çoxsaylı avtomobilin yoldan çıxması hallarının qeydə alındığını bildirərək sakinləri zəruri olmadıqca səfərə çıxmamağa çağırıb.
Sosial şəbəkələrdə isə insanların küçələrdə xizək və snoubord sürdüklərini əks etdirən foto və videolar yayılıb. Onlardan birində xizəkçinin "Ginnesin Rekordlar Kitabı"na dünyanın ən dik küçəsi kimi düşən Danidin şəhərindəki Bolduin küçəsində sürüşdüyü görünür.
Kolumbiya ərazisində 7.4 maqnitudalı yeraltı təkanlar baş verib.
Bolqarıstanda silah zavodunun sursat anbarında güclü partlayış baş verib.
Moldova Xarici İşlər Nazirliyi ölkə ərazisinə PUA-nın düşməsi ilə bağlı Rusiyadakı səfiri Lilian Dariyi məsləhətləşmələr üçün geri çağırıb.
Filippində təbii fəlakət nəticəsində ən azı 12 nəfər həyatını itirib, daha səkkiz nəfərin taleyi isə hələlik məlum deyil. Faciəyə aramsız musson yağışlarının səbəb olduğu güclü torpaq sürüşmələri və genişmiqyaslı subasmalar yol açıb.
