Dağıstanın Gərgəbil rayonunda baş verən daşqınlarla əlaqədar fövqəladə vəziyyət rejimi tətbiq olunub.
Bu barədə rayon administrasiyasının "Telegram" kanalında məlumat verilib.
Bildirilib ki, daşqın vəziyyətinin pisləşməsi ilə əlaqədar Fövqəladə Hallar Komissiyası yekdilliklə fövqəladə vəziyyət rejiminin elan olunmasına qərar verib. Müvafiq sərəncamı rayonun rəhbəri Maqomedali Taqirov imzalayıb.
Qeyd olunub ki, qərarın qəbul edilməsinə səbəb rayonun bir neçə kəndində vəziyyətin ağırlaşması və su səviyyəsinin artmaqda davam etməsidir.
Yerli hakimiyyət sakinləri ehtiyatlı olmağa və rəsmi məlumatları izləməyə çağırıb.
İyulun 7-8-də yağan güclü yağışlar nəticəsində Dağıstanın bir sıra yaşayış məntəqələrində daşqınlar baş verib, yollar yuyulub və elektrik enerjisinin verilişində fasilələr yaranıb.
Almaniya kansleri Fridrix Merts "X" sosial şəbəkəsində ölkəsinin hərbçilərinin Fransanın təşkil etdiyi nüvə çəkindirmə təlimlərində iştirak edəcəyini təsdiqləyib.
Böyük Britaniyada Endi Bernem Leyboristlər Partiyasının yeni lideri seçilib.
İspaniyanın Araqon muxtar icmasının Ores bələdiyyəsindəki meşə yanğını 12 min hektar sahəni əhatə edib.
