"İyulun 6-na keçən gecə baş vermiş Rusiya hücumu nəticəsində həlak olanların xatirəsinə hörmət əlaməti olaraq, iyulun 7-si çərşənbə axşamı - matəm günü Kiyevdə bütün əyləncə xarakterli tədbirlərin keçirilməsi qadağan ediləcək".
Oxu.Az xəbər verir ki, bu barədə Ukrayna paytaxtının meri Vitali Kliçko özünün "Telegram" səhifəsində bəyan edib.
Qeyd olunur ki, həmin gün paytaxtda yerləşən dövlət və özəl mülkiyyət formasına aid binalarda dövlət bayraqlarının endirilməsi tövsiyə olunub.
Kliçko həmçinin bildirib ki, paytaxtın Podolsk və Darnitsa rayonlarında yaşayış binalarında axtarış-xilasetmə işləri hələ də davam etdirilir. Həmin ərazilərdə dağıntılar altında insanların axtarışı aparılır.
"Kiyevdə 11 nəfərin həlak olduğu təsdiqlənib", - deyə mer əlavə edib.
Almaniya kansleri Fridrix Merts "X" sosial şəbəkəsində ölkəsinin hərbçilərinin Fransanın təşkil etdiyi nüvə çəkindirmə təlimlərində iştirak edəcəyini təsdiqləyib.
Böyük Britaniyada Endi Bernem Leyboristlər Partiyasının yeni lideri seçilib.
İspaniyanın Araqon muxtar icmasının Ores bələdiyyəsindəki meşə yanğını 12 min hektar sahəni əhatə edib.
