Fransanın cənub-qərbində yerləşən Şərqi Pireney departamentində baş verən iri meşə yanğını artıq 1 500 hektar ərazini əhatə edib.
Oxu.Az TASS agentliyinə istinadən xəbər verir ki, bu barədə departamentin prefekti Pyer Reno məlumat verib.
"Alov zolağının uzunluğu 18 kilometrdir. Yanğının söndürülməsi üçün quruda və havada böyük qüvvələr cəlb olunub", - deyə o, mətbuat konfransında bildirib.
Prefektin sözlərinə görə, yanğın Trivellaş kommunası yaxınlığında çox sürətlə yayılıb və təkcə bazar gününə keçən gecə 900 hektardan çox ərazi alovun təsiri altına düşüb.
Yanğının söndürülməsi işlərinə 700 yanğınsöndürən və xilasedici, 200 texnika, həmçinin doqquz təyyarə və helikopter cəlb edilib.
Hazırda güclü külək və ərazinin mürəkkəb relyefi səbəbindən alovun yayılmasının qarşısını tam şəkildə almaq mümkün olmayıb.
Prefekt günün sonunadək hakimiyyət orqanlarının çoxgünlük "Tur de Frans" velosiped yarışının mərhələlərindən birinin ləğvi ilə bağlı qərar qəbul edə biləcəyini də istisna etməyib.
Almaniya kansleri Fridrix Merts "X" sosial şəbəkəsində ölkəsinin hərbçilərinin Fransanın təşkil etdiyi nüvə çəkindirmə təlimlərində iştirak edəcəyini təsdiqləyib.
Böyük Britaniyada Endi Bernem Leyboristlər Partiyasının yeni lideri seçilib.
İspaniyanın Araqon muxtar icmasının Ores bələdiyyəsindəki meşə yanğını 12 min hektar sahəni əhatə edib.
