Sakit okean üzərindən Xonsyu adası boyu hərəkətini davam etdirən "Cangmi" tayfununun Yaponiyada törətdiyi fəsadlar nəticəsində ən azı 23 nəfər xəsarət alıb.
Oxu.Az xəbər verir ki, bu barədə ölkənin Fövqəladə Hallar Nazirliyinin funksiyalarını icra edən Baş Yanğından Mühafizə İdarəsi məlumat yayıb.
Yaralılar dövlətin cənub, cənub-qərb və qərb bölgələrində yerləşən altı prefekturada qeydə alınıb. Ən çox xəsarət alanlar Okinavadadır.
Xilasetmə xidmətlərinin məlumatına əsasən, bir nəfərin vəziyyəti ağırdır.
Hazırda "Cangmi" tayfunu Sakit okean üzərindən Yaponiyanın əsas adası sayılan Xonsyu sahili boyu saatda 45 km sürətlə irəliləyir.
Qasırğa daxilində küləyin sürəti saniyədə 25 metrə, təkanlarla isə saniyədə 35 metrə çatır. İndiyədək tayfun Tokio şəhərindən yan keçərək şərq istiqamətində hərəkətini sürdürür. Çərşənbə günü qasırğanın gətirdiyi şiddətli yağışlar səbəbindən 760-dan çox daxili və 90-dan artıq beynəlxalq aviareys təxirə salınıb. Ümumilikdə Yaponiyanın 700 mindən çox sakininə evlərini tərk etmək barədə tövsiyə verilib. Hökumət rəsmiləri çayların məcrasından çıxması və torpaq sürüşməsi təhlükəsi ilə bağlı xəbərdarlıq etsələr də, hələ ki, tayfunun bu cür fəsadları barədə məlumat daxil olmayıb.
Türkiyə Böyük Millət Məclisinin (TBMM) iş müddəti uzadılıb.
Azərbaycan Mərkəzi Bankı iyunun 17-nə olan rəsmi valyuta məzənnələrini açıqlayıb.
Böyük Britaniyanın Çelmsford şəhərindəki "Nyu-Holl" məktəbinin ərazisində Tüdor dövrünə aid tunellər aşkar edilib. Bu tunellərin VIII Henrinin itirilmiş Bolye sarayı ilə əlaqəli ola biləcəyi ehtimal edilir. Tapıntı artıq arxeoloqların diqqətini cəlb edib, çünki bu, İngiltərənin ən vacib XVI əsr kral iqamətgahlarından birinin tarixini daha dərindən öyrənməyə kömək edə bilər.
