Bu gün Azərbaycanda yeganə olan Bakı funikulyorunun 66 yaşı tamam olur.
Oxu.Az xatırladır ki, Bakı funikulyoru tanınmış dövlət xadimi, Əməkdar mühəndis Əliş Ləmbəranskinin təşəbbüsü ilə tikilib.
İlk dəfə 1960-ci il mayın 5-də istifadəyə verilən funikulyorun qatarları SSRİ zamanında xüsusi sifarişlə Ukraynanın Xarkov şəhərində hazırlanaraq buraya gətirilib. Funikulyor xətti "Bəhram Gur" və "Şəhidlər xiyabanı" olaraq iki stansiyadan ibarətdir.
Hər iki stansiyadan vaqonlar eyni vaxtda eyni relslə stansiyanı tərk edir, yolun tam yarısında bir-biri ilə qarşılaşanda ayırıcı relslərlə ötüşürlər. Vaqonlar bir-birini ötüb keçdikdən sonra yenidən eyni relslə hərəkət edirlər.
Stansiyalararası məsafə 455 metr, qatarın maksimal sürəti saniyədə 3 metr, vaqonlarda oturacaq sayı 28, yolu qətetmə zamanı dörd dəqiqədir.
Müxtəlif vaxtlarda təmirə bağlanan funikulyor sonuncu dəfə 2012-ci il mayın 23-də əsaslı təmirdən sonra yenidən istifadəyə verilib.
Ümummilli Lider Heydər Əliyevin anadan olmasının 103-cü ildönümü ilə əlaqədar Naxçıvan Muxtar Respublikası Gənclər və İdman Nazirliyi tərəfindən silsilə idman tədbirləri keçirilir.
Ümumi (9 illik) orta təhsil səviyyəsi üzrə aprelin 12-də keçirilmiş buraxılış imtahanının nəticələri elan olunub.
