Azərbaycan Prezidenti İlham Əliyev "Avropa Siyasi Birliyi"nin toplantısında çıxışı zamanı avropalı deputatların Bakı ilə İrəvan arasında yekun razılaşmaların əldə edilməsinə mane olduqlarını bildirib.
Oxu.Az xəbər verir ki, bu barədə Rusiyanın News.ru saytında məlumat verilib.
Qeyd olunub ki, Azərbaycan lideri son beş il ərzində Avropa Parlamentinin Azərbaycan əleyhinə 14 qətnamə qəbul etdiyini vurğulayaraq, bunun ölkəyə qarşı qərəzli münasibətin göstəricisi olduğunu önə çəkib.
"Bu qurum sülh prosesini dəstəkləmək əvəzinə, faktiki olaraq onun sabotajı ilə məşğul olur", - deyə dövlət başçısı bildirib.
Buna cavab olaraq, Azərbaycan parlamenti artıq bütün əsas sahələrdə bu təşkilatla əməkdaşlığın tamamilə dayandırılması barədə qərar qəbul edib. Bundan əlavə, rəsmi Bakı milli maraqlarını qorumaq üçün Avronest Parlament Assambleyasından çıxmaq prosedurlarına başlayıb.
10-11 may tarixlərində Ümumdünya Şəhərsalma Forumunun On Üçüncü Sessiyası (WUF13) üzrə Könüllülər Proqramı çərçivəsində təşkil olunan məkan təlimləri başa çatıb.
Mayın 12-də Slovakiya Respublikası Milli Şurasının sədri Rixard Raşi Azərbaycana rəsmi səfərə gəlib.
Pakistan İslam Respublikasının Baş naziri Məhəmməd Şahbaz Şərif Azərbaycan Respublikasının Prezidenti İlham Əliyevə zəng edib.
