Azərbaycanın tanınmış idmançıları - taekvondoçu Qaşım Maqomedov və yunan-Roma güləşçisi Həsrət Cəfərov tezliklə yeni medallarına qovuşacaqlar.
Oxu.Az xəbər verir ki, idmançılarımızın Paris-2024 Yay Olimpiya Oyunlarında qazandıqları medallar sonradan aşınmaya məruz qaldığı üçün yenisi ilə əvəz edilib.
Artıq sabah Olimpiya mükafatçılarımız Milli Olimpiya Komitəsinə (MOK) dəvət olunacaqlar. MOK-un İcraiyyə Komitəsinin iclasında yenisi ilə əvəz olunan medallar idmançılarımıza təqdim ediləcək.
Xatırladaq ki, paytaxt Parisdə keçirilən 2024-cü il Yay Olimpiya Oyunlarında taekvondoçumuz Qaşım Maqomedov fəxri kürsünün ikinci pilləsinə qalxaraq gümüş, yunan-Roma güləşçimiz Həsrət Cəfərov isə üçüncü yeri tutaraq bürünc medal qazanmışdılar.
"Birlik" Karate Klubunun iki idmançısı Azərbaycan Karate Federasiyasının təşkilatçılığı ilə Bakıda keçirilən beynəlxalq "Grand Prix" turnirində birinci yeri tutublar.
Tamblinq üzrə Azərbaycan milli komandasının iki üzvü Portuqaliyada keçirilən Avropa çempionatında final mərhələsinə vəsiqə qazanıb.
Azərbaycan velosipedçisi Süleyman Ələkbərov Qazaxıstanda bürünc medal qazanıb.
