Əfqanıstan-Pakistan sərhədində toqquşmalar davam edir.
Redaktor.az xəbər verir ki, "France 24" telekanalı bildirib ki, Kabil paytaxtında çoxsaylı partlayışlar və silah səsləri eşidilib.
Kabildən başqa, şərqdəki Cəlalabad şəhərində də partlayış səsləri qeydə alınıb. Əfqanıstan Müdafiə Nazirliyi Pakistan qüvvələri ilə toqquşmaların davam etdiyini bildirir. Torxam şəhərində döyüşlər bir neçə gündür davam edir.
"France 24"ün məlumatına görə, son toqquşmalarda hər iki tərəfdən 70-dən çox insan həlak olub. BMT-nin Əfqanıstandakı missiyası bildirir ki, fevralın 26-dan bəri gərginlik nəticəsində ən azı 42 mülki şəxs ölüb, 104 nəfər yaralanıb.
İslamabad iddia edir ki, Kabil Pakistanda hücumlar həyata keçirən yaraqlılara sığınacaq verir. Əfqanıstana hakim olan Taliban isə bu iddiaları rədd edir.
ABŞ və İsrailin İran ərazisinə endirdiyi zərbələr nəticəsində mülki şəxslər arasında ölənlərin sayı 1 332 nəfərə çatıb.
Yaxın Şərqdəki münaqişənin daha da kəskinləşməsi fonunda qızılın və gümüşün qiyməti yenidən yüksəlib.
İran İsraildəki hədəflərə qarşı raketlər və pilotsuz uçuş aparatlarından istifadə etməklə yeni hücumlara başlayıb.
