Qızılın qiymətləri Yaxın Şərqdəki münaqişənin müddəti və miqyası ilə bağlı qeyri-müəyyənlik fonunda bahalaşıb.
Oxu.Az xəbər verir ki, bu, ticarət məlumatlarından irəli gəlir.
Bakı vaxtı ilə saat 09:25-ə olan məlumata görə, Nyu-York Ticarət Birjasının bölməsi "Comex"də aprel ayı üzrə qızıl füçerslərinin qiyməti 62.3 dollar və ya 1.17% artaraq, trua unsiyası üçün 5 373.9 dollara çatıb.
May ayında çatdırılma ilə gümüş füçerslərinin qiyməti isə 1.32% artaraq, trua unsiyası üçün 90.025 dollar olub.
İran 22-ci raket hücumu dalğasında Fars körfəzindəki ABŞ hərbi bazalarına, Təl-Əviv, Hayfa və Ben-Qurion hava limanındakı İsrail ordusunun obyektlərinə hücum edib.
ABŞ və İsrailin İran ərazisinə endirdiyi zərbələr nəticəsində mülki şəxslər arasında ölənlərin sayı 1 332 nəfərə çatıb.
Yaxın Şərqdəki münaqişənin daha da kəskinləşməsi fonunda qızılın və gümüşün qiyməti yenidən yüksəlib.
