Azərbaycan musiqi mədəniyyətinin görkəmli simalarından biri, dahi bəstəkar Qara Qarayevin anadan olmasından 108 il ötür.
Qara Qarayev 1918-ci il fevralın 5-də Bakıda tanınmış həkim, professor Əbülfəz Qarayevin ailəsində dünyaya gəlib. Musiqi təhsilinə erkən yaşlarda başlayan sənətkar fortepiano ifaçılığı üzrə yetişib, sonradan bəstəkarlıq sahəsində parlaq uğurlar qazanıb. Onun formalaşmasında Üzeyir Hacıbəyovun xüsusi rolu olub və bu ustad-şagird münasibəti Qarayevin yaradıcılıq yoluna ciddi təsir göstərib.
Qara Qarayev XX əsr Azərbaycan professional musiqisinin aparıcı nümayəndələrindən biri kimi simfonik musiqi, balet, opera, kantata və film musiqisi janrlarında yaddaqalan əsərlər yaradıb. Onun "Yeddi gözəl" baleti, Üçüncü simfoniyası, "Vətən" operası, "Könül mahnısı" kantatası və digər əsərləri milli musiqinin dünyaya çıxışında mühüm rol oynayıb.
Bəstəkar uzun illər pedaqoji və ictimai fəaliyyətlə də məşğul olub, Azərbaycan Dövlət Konservatoriyasına rəhbərlik edib, SSRİ və Azərbaycan Bəstəkarlar İttifaqlarında məsul vəzifələr tutub, SSRİ Ali Sovetinin deputatı seçilib. O, həmçinin Lenin və Dövlət mükafatları komitəsinin üzvü olub.
Qara Qarayevin yaradıcılığında vətənpərvərlik, humanizm və müasirlik əsas xətti təşkil edib. Onun musiqisi təkcə Azərbaycanda deyil, dünyanın bir çox ölkələrində səsləndirilib və yüksək qiymətləndirilib.
Bəstəkar 1982-ci il mayın 13-də Moskvada vəfat edib və Bakıda Fəxri Xiyabanda dəfn olunub. Onun xatirəsi ölkəmizdə müxtəlif formada əbədiləşdirilib – metro stansiyası, küçə, musiqi məktəbi və kamera orkestri onun adını daşıyır. 2018-ci il TÜRKSOY tərəfindən "Qara Qarayev İli" elan olunub.
Qara Qarayevin zəngin irsi bu gün də Azərbaycan musiqisinin inkişafına ilham verməkdə davam edir.
Türkiyənin "Haber Global" telekanalı Azərbaycan Prezidenti İlham Əliyev Münhen Təhlükəsizlik Konfransında iştirakından süjet hazırlayıb.
Azərbaycan Serbiyanın enerji təhlükəsizliyinin möhkəmləndirilməsinə töhfə verən etibarlı tərəfdaşdır.
Fevralın 13-də xarici işlər naziri Ceyhun Bayramov Münhen Təhlükəsizlik Konfransı çərçivəsində "Avrasiyanın Strateji Nizamının Müəyyənləşdirilməsi: Orta Dəhliz - Sabitlik, Sülh, Təhlükəsizlik və Bağlantılar üzrə Avropa Təhlükəsizlik Gündəliyi" mövzusunda panel müzakirələrində çıxış edib. Paneldə, həmçinin Gürcüstanın xarici işlər naziri Maka Botçorişvili və Avropa Yenidənqurma və İnkişaf Bankının (AYİB) prezidenti Odile Reno-Basso çıxış ediblər.
Azərbaycan Respublikasının Prezidenti İlham Əliyev fevralın 13-də Münhendə dünyada ən böyük proqram təminatı və bulud texnologiyaları şirkətlərindən biri olan ABŞ-nin "Oracle" korporasiyasının baş icraçı direktoru Mayk Sisiliya ilə görüşüb.
